Футболчи ўтган йилнинг майида «Сампдория»дан «россонерилар» сафига келиб қўшилганди. 2018 йилнинг августида ўтказилган текширувлар натижасида, Стринич юрак ҳасталиги билан касаллангани маълум бўлди. Шу боис, у футболдаги фаолиятини вақтинчалик тўхтатганди.
«Шартнома иккала томоннинг келишуви асосида бекор қилинди. Иваннинг келгуси фаолиятига омад тилаймиз», – дейилади миланликларнинг мурожаатида.
32 ёшли ўйинчи сўнгги мундиалда терма жамоа билан мусобақа вице-чемпионига айланганди.
