“Металлург” таътилга чиқди

Унда ортда қолган мавсум сарҳисоби ва келгуси мавсум режалари кўриб чиқилди. Даставвал жамоа бош мураббийи Рустам Мирсодиқов футболчиларга ажойиб мавсум учун миннатдорчилик билдирди. Жамоа ўз олдига қўйган вазифани шараф билан уддалаганини, чиройли, ҳужумкор футбол намойиш этиб мухлислар олқишига сазовор бўлганлигини таъкидлаб ўтди. Айниқса гранд жамоаларга қарши Бекободда ўтказилган учрашувларда намойиш этилган футбол ишқибозлар-у, мутассаддилар эътирофига сазовор бўлганлигини қайд этди. Баъзи жамоаларга қарши ўйинларда қимматли очколар бой берилмаганлигида жамоа бунданда юқорироқ поғоналарни забт этиши мумкинлигини, бироқ айни дамдаги натижа ҳам ёмон эмаслигини таъкидлади. Йигитларга мавсум давомидаги чарчоқларини чиқариб, мароқли дам олиб қайтишларини тилади.

Шундан сўнг клуб аъзолари тўкин дастурхон атрофида мавсумнинг энг эсда қоларли воқеаларини эслашди. Мириқиб суҳбатлашишди, кейинги мавсум режалари ҳақида гаплашилди.

Шунинг билан, “Металлург” футбол клуби аъзолари декабрь ойининг 20 санасигача таътилга кетишди.