Месси ва Эстония термаси ҳақида

"Сўнгги 2 кунда Мессининг пента-триги  ҳақида шу қадар кўп мақтов ўқидимки, ўша баҳсда Аргентинага рақиблик қилган эстонлар ҳақида маълумот бермасам, ўзимни бир умр кечиролмайман.

1. Эстония терма жамоаси ФИФА рейтингида 110-ўринни банд қилиб турибди (Ҳиндистон ва Сьерра-Леонедан кейин). Яъни, Ўзбекистон терма жамоасидан 27 поғона пастга жойлашган.

2. Эстония термасининг тўлиқ таркиби 7,93 млн еврога баҳоланган. Бу Ўзбекистон миллий жамоасидан 4 марта арзонроқ дегани. Яна ҳам аниқроқ айтсак, Элдор Шомуродов бу жамоадан қимматроқ.

3. Ўзбекистон чемпионатида Эстония терма жамоасидан қимматроқ 2 та клуб бор ("Пахтакор" ва "Навбаҳор").

4. Эстония Европа МЛнинг охирги — Д лигасида иштирок этади (Сан-Марино, Андорра ва Мальта билан).

5. Мазкур жамоа март ойида Кипрга ҳам енгилган эди (2:0). 

Хуллас, Эстония Мадагаскардан ҳам кучсизроқ жамоа. Уларга қарши ўйинда Рўзимбой Аҳмедов ҳам 3-4 та гол ура олади. Леонинг 5 голи ҳақида гапираётганларнинг аксари футболга ақл эмас, ҳиссиёт билан қарайдиган фанатлардир", — дейилади хабарда.

"Футбол анализи"га обуна бўлинг