Месси “Барселона” билан 35-совринни қўлга киритди
18 апр 2021 08:19
Янгиликлар

Месси “Барселона” билан 35-совринни қўлга киритди

Испания кубоги финалида “Барселона” “Атлетик”ни (4:0) йирик ҳисобда таслим этди.

Финал беллашувида “дубл” қайд этган Месси фаолияти давомида Испания кубоги финалида 10-марта иштирок этиб, 9 та гол уришга эришди. У бу кўрсаткич бўйича рекордчи – “Атлетик” афсонаси Тельмо Саррани (8 гол) ортда қолдирди.

Аргентиналик футболчи “Барса” таркибида фаолиятидаги 35-совринга эга чиқди. У каталонияликлар билан 10 марта Испания чемпионлиги, 7 марта Испания кубоги ва 8 марта мамлакат Суперкубогини қўлга киритган.

Халқаро майдонда эса Месси 4 марта Чемпионлар лигасида, 3 бор Европа Суперкубогида ва 3 марта клублар ўртасидаги Жаҳон чемпионлиги ғолиблигига эришган.

Ҳавола :

Манба : Opta

Янгиликларни Телеграмда ўқинг!

Рейтинг: +22