Месси Америка Кубоги ҳақида: "Сўнгги финаллар олдидан қарта ўйнаб, кеч ухлаганмиз"

Бу финал форвард учун Аргентина терма жамоасидаги ўнинчиси (ёшлар ва олимпия жамоасини ҳисобга олса) бўлади.

"Ҳар доимгидек хотиржамман ва финал стартини кутяпман. Биз бошдан кечирган воқеалардан сўнг ҳозир анча сокинроқман.

Ҳар ондан кўпроқ роҳат олишга ҳаркат қиляпман. Финал бошланиши билан бор эътиборни ўйинга қаратаман.

Уругвай - Колумбия ўйинини кўрдим. Иккала жамоага қарши қийин бўлишини билардик. Колумбия анчадан бери мағлуб бўлмаяпти, футболчилари жуда кучли. Бу финал. Финал - ҳар доим алоҳида баҳс бўлган. Биз тайёрмиз.

Охирги финаллар олдидан яхши ухлаганман, муаммо бўлмаган. Узоқ суҳбатлашиб, мате ичиб, қарта ўйнардик. Одатда кеч ухлардик, лекин яхши дам олардик" - деди Месси.