Мбаппе – Пеле, Зиданнинг рекордини янгилади. У ЖЧ тўпурарлари жадвалида ва бир мундиалдаги голлар сони бўйича топ-6'га кирди (+рўйхат)

Учрашув қаҳрамонларидан бирига айланган Килиан Мбаппе мундиал финалларидаги голлари сонини 4 тага етказиб, бу борада рекорд қўйди. У бу турнирнинг ҳал қилувчи баҳсида хет-трикка эришди ва 2018 йилги мусобақада Хорватия (4:2) дарвозасини ишғол этганди.

Шу тариқа, Мбаппе финалда гол уриш бўйича Вава, Пеле (иккиси Бразилия), Зинедин Зидан (Франция) ҳамда Жефф Херст (Англия)ни ортда қолдирди. Юқорида номлари санаб ўтилган футболчиларда 3 тадан гол бор эди.

23 ёшли ўйинчи мундиалдаги голларини 12 тага етказиб, бу борада энг яхши тўпурарлар рўйхатида 6-ўриндаги Пелега етиб олди.

ЖЧда энг кўп гол урган футболчилар:

1. Мирослав Клозе (Германия) – 16 та;

2. Роналдо (Бразилия) – 15;

3. Герд Мюллер (Германия) – 14 та;

4-5. Лионель Месси (Аргентина), Жюст Фонтен (Франция) – 13 тадан;

6-7. Килиан Мбаппе (Франция), Пеле (Бразилия) – 12 тадан.

Бундан ташқари, Килиан бир турнирда гол уриш (8 та) бўйича Гильермо Стабиле (Аргентина) ҳамда Роналдо (Бразилия) билан тенглашди. Улардан олдинда эса 5 футболчи бор.

Бир турнир давомида энг кўп гол урган футболчилар:

1. Жюст Фонтен (Франция) – 13;

2. Шандор Кочиш (Венгрия) – 11;

3. Герд Мюллер (Германия) – 10;

4-5. Адемир (Бразилия) – 9;

4-5. Эйсебио (Португалия) – 9;

6-8. Килиан Мбаппе (Франция) – 8;

6-8. Роналдо (Бразилия) – 8;

6-8. Гильермо Стабиле (Аргентина) – 8.