Майдонда фарғоналик журналистлар
25 июн 2016 11:24
Янгиликлар

Майдонда фарғоналик журналистлар

Кеча Фарғонада “27 июнь – Матбуот ва Оммавий ахборот воситалари ходимлари куни”га бағишланган аънавий мини-футбол мусобақаси бўлиб ўтди.

Фарғона вилояти Футбол федерацияси, Фарғона вилояти мини-футбол ассоциацияси ҳам Ўзбекистон Журналистлар ижодий уюшмаси Фарғона вилояти бўлими томонидан ташкил этилган мазкур мусобақада тўртта жамоа иштирок этди.

Ўйинлар даврали тизимда ўтказилди. Мусобақа якунига кўра, бош соврин етти очко жамғарган “Фарғона ҳақиқати” жамоасига насиб этди. Ушбу жамоа мусобақада қаторасига учинчи марта ғолиб бўлгани учун кўчма кубок уларга абадий берилди. Кейинги йилда янги кубок ишлаб чиқилади. Мусобақада олти очко тўплаган “Матбуот” жамоаси иккинчи ўринни эгаллади. “Рухсор” жамоаси учинчи, “Билимдон” жамоасига эса тўртинчи ўрин насиб этди.

Мусобақа якунида барча жамоалар пул мукофоти ва эсталик совғалар билан тақдирланишди.

Аброр Деҳқонов

Ҳавола :

Манба : kokand1912.uz

Янгиликларни Телеграмда ўқинг!

Рейтинг: