Маттеус: "Бундай танловдан кейин дунёни тушунмай қолдим"

60 ёшли Лотар Маттеус “Олтин тўп” соҳиби аргентиналик 34 ёшли Лионел Мессининг ғалабасидан ҳайратда қолганини тан олди.

“Тўғрисини айтсам, бундай танловдан кейин мен бу дунёни тушунмай қолдим. Лионель Месси ва бошқа номзодларга ҳурмат сақлаган ҳолда айтаман, ҳеч ким бунга Левандовскичалик ҳақли эмасди. "France Football" ўтган йили ҳам унга мукофот бермаганди. Роберт 2020 йилда "Бавария" билан барча совринларни ютди – у аллақачон енгилмас ўйинчи.

Биз фақат 2021 йилни ҳисобга олсак ҳам, Лева қолганлардан яхшироқ эди. У Герд Мюллернинг 100 йиллик рекордини янгилаб, ҳар бир мусобақада тўпурарлар рўйхатида биринчи ўринда кетмоқда, миллий ва халқаро миқёсда ҳаммадан ўзиб кетди.

Месси Аргентина терма жамоаси билан Америка кубогини ютган бўлса-да, Парижда бутунлай кўримсиз. Бензема ҳам ажойиб футбол кўрсатди, аммо "Реал" билан ҳеч нарса ютмади. Сўнгги ойларда Салоҳ ажойиб, лекин у йил бошида узоқ вақт кўринмади. Жоржиньо Челси" ва Италия билан иккита жуда катта чемпионликни қўлга киритди, аммо у "Бавария" ҳужумчиси каби ажралиб турмади. Ҳатто Роналду ҳам Роберт каби барқарор эмас эди. Унинг ғалаба қозона олмагани мен учун тушунарсиз", – деди Маттеус.