Мата: "Манчестер Юнайтед" - "Ливерпуль" - икки жамоа учун энг йирик баҳс"
10 мар 2018 12:57
Янгиликлар

Мата: "Манчестер Юнайтед" - "Ливерпуль" - икки жамоа учун энг йирик баҳс"

Теглар : Хуан Мата

"Манчестер Юнайтед" ярим ҳимоячиси Хуан Мата "Ливерпуль"га қарши бўлиб ўтадиган АПЛнинг 30-тур учрашувидан олдин баҳс ҳақида фикр билдирди.

"Бу икки жамоа учун энг йирик баҳс ва бутун Англия футболи учун ҳам шундай бўлса керак. Бу ерда азалий рақобат, икки клуб тарихи ва атмосфера ўзгача аҳамиятга эга. Агар фантастик гол урсангиз ёки ажойиб ўйин кўрсатсангиз, буни бир умр эслаб қолишади.

Агар мухлислардан МЮдаги фаолиятимда энг муҳим вазият ҳақида сўрасангиз, улар "Ливерпуль" билан баҳс ва ўша голни айтишади. "Энфилд"даги учрашувда 2та гол урганман, биттаси ғалаба келтирган.

"ЛиверпулЬ" - яхши жамоа. Уларнинг ишлари аъло, айниқса клубнинг ҳужумкор футболчиларида. Бу футболчилар кўп гол уришмоқда. Муҳаммад Салоҳ фантастик мавсумни ўтказмоқда. Ушбу баҳсда уларга тайёр бўлишимиз лозим.

Ҳар бир футболчи уйда ўйнашни маъқул кўради. Биз бугун "Олд Траффорд"да тўп тепамиз. Мухлислар учун яхши атмосферани ҳосил қилиш учун бор кучимизни ишга солишимиз керак" - дейди Мата.

"Манчестер Юнайтед" - "Ливерпуль" учрашуви бугун Тошкент вақти билан 17:30да бошланади.

Ҳавола :

Манба : Championat.com

Янгиликларни Телеграмда ўқинг!

Рейтинг: +6