“Машъал” икки нафар легионер билан шартнома имзолади
19 янв 2021 13:40
Янгиликлар

“Машъал” икки нафар легионер билан шартнома имзолади

Янги мавсумга жиддий тайёргарлик кўраётган Муборакнинг “Машъал” жамоаси ўз таркибни кучайтириш мақсадида Нигерия фуқаролари бўлган икки футболчини ўз сафига қўшиб олди.

Нигериялик ҳужумчи Самуэль Онониву 1997 йил 10 февралда Нигериянинг Кано шаҳрида таваллуд топган. Самуэль Нигерия терма жамоасида ва Маврикий давлатининг Суперлига клублари "Силвестер" ва "Болтон Сити" жамоаларида тўп тепган. Мазкур футболчи билан "Машъал" жамоаси уч йиллик битимни имзолади.

Шунингдек 1999 йил 12 сентябрда Нигериянинг Лагос шаҳрида таваллуд топган ярим ҳимоячи Укеме Уильямс ҳам эндиликда "Машъал" вакилига айланди. Уильямс Нигериянинг "Бендель Иншуренс", "Эл-Канеми Варриорс", "Викки Туристс" ва "Аква Юнайтед" жамоаларида тўп тепган. 22 ёшли футболчи “Газчилар" билан уч йиллик шарнтома имзолади.

Эндиликда бу легионерлар “Машъал” шарафини ҳимоя қилишади.