Марсьяль ва Байи январда жамоадан кетмоқчи, аммо клуб уларни қўйиб юбормаяпти

Иккала футболчи ҳам кўпроқ ўйин амалиётига эга бўлишни истамоқда. Аммо уларнинг бошқа клубга тўлақонли ўтиб кетиши сўроқ остида.

ESPN нашрининг ёзишича, МЮ ушбу футболчилар борасидаги фақатгина ижара асосида бўладиган таклифларни кўриб чиқади. Ундан ташқари, ижарачи клуб уларнинг маошини тўлиқ қоплаб бериши ҳам керак бўлади.

Бунга қадар "Севилья" Марсьяль борасидаги бундай таклифга рад жавобини берганди. Бунга сабаб сифатида "Манчестер Юнайтед"нинг катта маблағ сўрагани айтилганди.

"Милан" эса Байини мавсум якунига қадар ижарага олишга тайёр турибди. Аммо клубнинг молиявий ҳолати унинг маошини тўлашга бўлган имконияти паст баҳоланмоқда.