"Lokomotiv" yetakchilaridan biri Marat Bikmaev uch yil oldin aynan shu kuni bo'lib o'tgan uchrashuvni yodga oldi.
- "Juda qiziq o'yin bo'lgandi. Ikkita gol urganim ham esimda. Birinchisini penaltidan urganman. Ikkinchi golni Maxaradze to'pga bosh bilan zarba berganidan so'ng Lobanov qaytargan va qaytgan to'pni bo'sh darvozaga kiritgandim".
- "Paxtakor" va "Lokomotiv" o'rtasidagi bahslar doim qiziq kechgan. Chunki bu derbi hisoblanadi. Alashmasam, o'sha o'yinda Stanislav Andreev bizga penaltidan gol ura olmagandi. Qolaversa, "Paxtakor"ning ikki futbolchisi qizil kartochka olgan".
- "Bu uchrashuv biz uchun muhim ahamiyatga ega edi. 2017 yil chempion bo'lganmiz va chempionlikda mana shu g'alabaning hissasi katta bo'lgan. Umuman olganda o'yindan juda yaxshi taassurotlar qolgan", - deydi Marat Bikmaev.
Oliy liga, 7-tur. 21.04.2017
"Paxtakor" - "Lokomotiv" 1:2
Gollar: Adnan Oraxovac (35) - Marat Bikmaev (25-penalti, 81).
