Мақсуд Файзуллаев: “Бу мавсумда кўпроқ маҳаллий футболчиларга эътибор қаратилган”

“Афсуски, 2-турнинг 3 та учрашувида мағлубиятга учратдик. Бу эса тур олдиданқўйилган вазифани бажара олмаганимиздан далолат. Шунга қарамай, биз ижобий натижа кўрсатиш учун қўлдан келганча ҳаракат қилдик. Афсуски, натижаларимиз ўзимиз кутгандек чиқмади. 

Мавсум олдидан маҳаллий йигитларга кўпроқ эътибор қаратилди. Асосан бекободлик ёшлар таклиф қилинган. Бу эса натижаларимизга ўз таъсирини ўтказмоқда. Чунки таркибдаги янги футболчиларнинг жамоага тўлиқ мослашиб кетишларига вақт талаб қилинади. 

Ўтган мавсумда чемпионатда 4-ўринни эгалладик. Афсуски, мавсум аввалида таркибимиздан 8 нафар футзалчи тарк этди. Дейлик, асосий таркибдан 8 нафар футболчи ёрдам бера олмаяпти. Хусусан, 7 нафари жамоани тарк этди.  Хусусан, Шуҳрат Тожибоев эса ёрдамчи мураббий сифатида фаолият юритмоқда. Таркибимизда катта ўзгаришлар бўлди. Шундан ҳам билиш мумкин, бу йил клубга эътибор қай даражада эканидан", — дейди Файзуллаев.