"Манчестер Юнайтед" Дибалага бўлган қизиқишга қарамай, Роналдуни сотмайди

Ҳужумчининг вакиллари Англия клубларини, жумладан "Манчестер Юнайтед"нинг эътиборини тортмоқчи.

Қайд этиш керакки, 28 ёшли аргентиналикка қизиқишга қарамай, клуб ҳужумчи Криштиану Роналдунинг келажаги борасида позициясини ўзгартирмайди. Манчестерликлар 37 ёшли португалияликни ёзги трансфер ойнасида сотмоқчи эмаслар.

Дибала ўтган мавсум туринликлар сафида барча мусобақаларда 39та ўйинда майдонга тушиб, 15та гол ва 6та ассист қайд этди. У клубни 2022 йилнинг 30 июнида эркин агент мақомида тарк этди.

Роналду эса МЮ сафида 39та ўйинда 24та гол ва 3та ассистга эришди. Ҳужумчининг клуб билан шартномаси 2023 йилнинг 30 июнига қадар мўлжалланган.