"Манчестер Сити" Фалькаони сотиб оладими? Куннинг беш миш-миш трансфери

Фалькао учун Йоветични сотиш

"Монако" клуби раҳбарияти барчани колумбиялик футболчи Радамел Фалькаони сотмасликка ишонтиргандек бўлганди. Аммо ундай эмас! Футболчи учун пайдо бўлган янги қизиқиш Фалкаони оёққа туришга мажбур қилди ва у ҳақида янгидан-янги миш-мишлар пайдо бўлди. Кечагина "Монако" клуби Фалкаони сотиш учун инкор қилиб бўлмайдиган таклиф олишди деган маьлумотлар интернет тармоғида тарқалди.Футболчига "Манчестер Сити" совчи экан. Агар "шаҳарликлар" футболчини сотиб олишмоқчи бўлишса, УЕФАнинг молиявий фейр плей қоидасига риоя қилишига тўғри келади. Бу вазиятдан чиқиб кетиш учун "Манчестер Сити" футболчини сотиб олиш шарти билан ижарага олмоқчи.



Бу вазиятдан яна бир чиқиш йўли, Стефан Йоветични "Ювентус"га сотиш. Аммо "Реал"ни бу курашдан чиқди деб бўлмайди, чунки мадридликлар президенти Флорентино Перес Фалкаонинг агенти билан учрашди. Аммо бу учрашувда колумбиялик футболчи тақдири ҳақида гап кетганмикан? Бу агент Анхел ди Марияга ҳам ишлайди.
Агар "Монако"нинг Ди Марияга қизиқиши афсона бўлмаса, бу футболчиларни айирбошлаш иккала жамоа учун фойдали бўлиши мумкин.

Ибрагимович "Ювентус" ҳақида орзу қиляпти

Кўпинча миш-мишларнинг манбаси бўлиб футболчиларнинг яқин кишилари ҳизмат қилади. Гап Златан Ибрагимовичга "Мальме"да ўйнаган пайтлари мураббийлик қилган Стефан Ханссон ҳақида кетяпти. Бу мутахассиснинг сўзларига кўра, Ибра бу  ёки кейинги йил "Ювентус"га қайтишни орзу қиляпти.


 
Швециялик суперфорвард туринликлар сафида иккита чемпионлик совринини қўлга киритган. Айнан мана шу ютуқлар келишилган ўйинлар туфайли бекор қилинган. Тўғри "Кекса синьора"нинг барча мухлислари ҳам уни илиқ кутиб олмаслиги мумкин, чунки Златан жамоа B серияга тушиб кетганда клубни тарк этган. Ўшанда жамоада Жанлуижи Буффон, Алессандро Дел Пьеро, Жоржо Кьеллини ва Давид Трезегелар қолишган ва улар ўз клубларини яна "А" серияга қайтаришган.

Симеонега Шюррле керак

"Челси" мавсумлар оралиғида Диего Коста, Фелипе Лусни харид қилди ва Тибо Куртуани ортга қайтариб "Атлетико"ни деярли бўм-бўш қилиб қўйди. Энди эса Испания чемпионлари Лондонга юриш қилишмоқчи. Уларнинг асосий мақсади - ҳужумчи Андре Шюррле. Бир неча ҳафта олдин бу ҳақида жуда ёмон ҳазиллар пайдо бўлди ва шу билан йўқ бўлиб кетгандай эди. Аммо британ матбуоти яна шу мавзуда сўз очди ва қуйидаги иборани қўллагандай бўлди: "Тутунсиз олов бўлмайди".

Жаҳон чемпионатида ўзини кўрсатган Андре Шюрлле билан шахсан Диего Симеоне қизиқиб қолди. Агар немис футболчиси чап қанот ҳужумида ҳаракат қилишини ҳисобга олсак, "Атлетико" ўз юлдузларидан бири Арда Туранни сотишига тўғри келади.



Дефур ватанига қайтади

Белгиялик Стивен Дефур "Порту"ни тарк этиши анча олдин маьлум эди. Савол футболчининг янги иш жойи ҳақида. Дефур учун асосий давогар ПСВ ҳисобланаётган эди, аммо голландлар "аждархолар" талаб қилаётган 8 миллион еврони тўлашга тайёр эмас. "Порту" футболчини ижарага олмоқчи бўлган "Стандарт"га ҳамм рад жавобини берди. Энди футболчига "Андерлехт" қизиқиб қолган. Дефур икки бора "Порту" билан Португалия чемпионига айланган, аммо сўнгги мавсумда уни иккинчи таркиб футболчисига айлантириб қўйишди. Футболчи Португалия чемпионатининг 16 учрашувида майдонга тушди ва уларнинг 13 тасида асосий таркибда бўлган. Ўтган мавсумдаги ягона голини эса кубок мусобоқасида урган. Дефур ЖЧ-2014да Кореяга қарши асосий таркибда майдонга тушди ва ўйиннинг 44 дақиқасида қизил карточка олиб майдонни тарк этди. Бундан кейин эса у бир марта ҳам майдонга тушгани йўқ.

Дестро Икардини алмаштиради

"Интер" Мауро Икардининг нархини белгилади. Ўтган мавсумда 9 та гол урган 21 ёшлик футболчининг баҳоси 30 миллион евро. Демак, у "Сампдория"дан Миланга кўчиб ўтганидан бир йил кейин, унинг нархи 6 баробар ошибди! Икардига "Монако" қизиқиш билдирган. Агар ҳужумчи миланликлар сафини тарк этса, унинг ўрнини "Рома" футболчиси Маттиа Дестро тўлдириши мумкин. Дестро ўтган мавсумда пойтахтликлар сафида 13 та гол уришга муваффақ бўлди.


хориж сайтлари асосида Жасур Асланов тайёрлади