"Ювентус" Европа Лигаси 1/8 финали доирасидаги "Фрайбург"га қарши жавоб ўйинидан олдин бир талай йўқотишларга эга, деб хабар берди "La Gazetta dello Sport".
Федерико Кьезанинг ушбу учрашувда иштирок этмаслиги деярли аниқ. Шунингдек, Анхель Ди Мария, Поль Погба, Леонардо Бонуччи, Алекс Сандро ва Аркадиуш Милик умумий гуруҳ машғулотларида қатнашмади.
Эслатиб ўтамиз, "Ювентус" биринчи ўйинда 1:0 ҳисобида ғалаба қозонганди. Туринликлар А Серияда очколардан маҳрум қилингач, айнан Европа Лигасидаги муваффақият эвазига Чемпионлар Лигасига чиқиши мумкин.
