Манба: "Рома" футболчилари Моуриньюнинг тактик қарашларидан норози

 "Рома" А Серия 3-тури доирасидаги ўйинда "Милан"га имкониятни бой берди (1:2). Ўз-ўзидан римликларнинг "россонери"дан мағлубиятга учрагани ажабланарли эмас. Бироқ умумий старт омадсиз чиқди – "Рома" уч турдан сўнг бир очко билан 18-ўринни эгаллаб турибди, яъни қуйи лигага тушиб кетиш зонасида.

Жозе Моуринью ушбу мавсумда фақат "Милан" билан ўйиндагина захира ўриндиғида ўтирди – бунгача у дисквалификация муддатини ўтаётганди. 

Бундан ташқари. португалиялик мураббий журналистлар билан гаплашмади. Манбалар буни "беназир" ва жамоа аъзолари ўртасидаги совуқ муносабат билан изоҳлашди. Хусусан, футболчилар португалиялик устидан шикоят қилишган, уларга мутахассиснинг тактикаси ўйинни ривожлантиришга хизмат қилмаётгани ёқмаяпти, дейилади "Radio Radio" хабарида.

Эслатиб ўтамиз, Жозе Моуринью учинчи мавсумдирки "Рома"да ишламоқда. Унинг асосий ютуқлари еврокубокларда қўлга киритилди – 2022 йилда Конференцилар Лигаси ғолиблиги, ўтган мавсумда эса Европа Лигаси финали.