Клублар 19 ёшли футболчининг трансфери бўйича ўзаро келишувга эришдилар, "Барса" у учун "шаҳарликлар"га 18 миллион евро тўлайдиган бўлди, деб хабар берди Diario Sport.
Гарсия Жерар Пике, Клеман Лангле ва Рональд Араухо билан биргаликда Роналд Куман жорий мавсумда фойдаланадиган тўртта марказий ҳимоячидан бирига айланади.
"Ман Сити" янги ҳимоячини харид қилишга муваффақ бўлса, ушбу келишув расман эълон қилинади.
Гарсия – "Барселона" академияси тарбияланувчиси. У 2017 йилда "Сити"га ўтган ва 2019/20 йилги мавсумда Премьер-лигада дебют қилган.
