Луис Суарес: “Ливерпуль” ваъда берганидек қўйиб юборади”

26 ёшли уругвайлик “Ливерпул”дан “Арсенал”нинг 40 миллион 1 фунтлик таклифини кўриб чиқишини талаб қилмоқда, бу ҳақда нафақат оғзаки балки ёзма келишув бор экан. Луис Чемпионлар Лигасида ўйнайдиган жамоада ўйнаш учун ҳамма имкониятни ишга солмоқчи.

Ўтган мавсумда менда Европанинг катта жамоасига ўтиш имконияти мавжуд эди, лекин мен агар кейинги мавсумда Чемпионлар Лигасига чиқолмасак қўйиб юборишлари шарти билан қолгандим. Ўтган мавсумда мен бор кучимни бериб ўйнадим лекин бу кучли тўртликка киришимизга етарли бўлмади, шунинг учун ҳам мен “Ливерпуль” келишивумизни бажаришини хоҳлайман”.

“Улар менга ўтган йили сўз беришди, энди шуни бажаришсин. Мен бошқа жамоага “Ливерпул”га зиён етказиш учун ўтмаяпман”.

“Улар мени худди мен уларни майдонда ҳимоя қилгандек ҳимоя қилишди. Ўйинчилар мени доимо қўллаб-қувватлашди ва бунинг учун улардан миннатдорман. Худди шундай мухлислардан ҳам. Мухлислар мендан нафратланишади деб ўйламайман, ўйлашимча улар юқори мақсадларга интилган ўйинчини тушунишади”.

“Сиз ҳали жамоа билан бирга экансиз, ҳамма бир бирини қўллаб қувватлайди, лекин бу жамоа ўз мажбуриятини бажармаслик ҳуқуқини бермайди”.

“Мен 26 ёшдаман. Чемпионлар Лигасида ўйнашим керак. Мен бир йил кутдим ва ҳеч ким мени мақсадга эришиш учун бор кучини бериб ўйнамади деб айтолмайди”.

“Брендан Рожерс билан кўп марта гаплашганман ва у менга шундай деди: “Яна бир мавсум қолгин, агар биз Чемпионлар Лигасига чиқолмасак сенга сўз бераман шахсан ўзим кетишинга ёрдам бераман”.

“Мен учун биринчи навбатда Чемпионлар лигаси футболи туради. Хозирги пайтда АПЛ энг яхши лига ва мен Англияда муаммосиз кўп йиллар қолишим мумкин. Дунёдаги хоҳлаган ўйинчи бу ерда ўйнашни хоҳлайди”, - дейди Суарес.

Суарес шунингдек агар ҳафта охиригача трансфер борасидаги вазият ўзгармаса шикоят қилиши мумкинлигини тасдиқлади.

Жавлонбек Юсупов таржимаси