Гвардиола таркибдан норози эканлигини маълум қилди

"Таркибдан мамнунманми? Йўқ, бизда жуда кўп ўйинчилар бор. Бугун жамоада Родри, Фоден, Ковачич ва Савиолар йўқ эди, Аке ва Гюндоган эса захира ўриндиғида қолиб кетишди. Менга барча турнирларга етарли футболчи борлиги ёқади, лекин ҳеч ким таркибдан четда қолишини истамайман. Бу ҳолат ўтган мавсумда ҳам содир бўлганди, бундай ҳолатда жамоанинг ички муҳитини яхши ҳолатда ушлаб туриш жуда қийин бўлади. Вазият аввалгидек қолмоқда, биз ўйинчилар ва уларнинг агентлари билан вазиятдан чиқиш йўлини топишимиз керак, акс ҳолда жамоавий руҳни сақлаб қолиш қийин бўлади", - деди Гвардиола.