Луис Энрике “Челси”да Контенинг ўрнини эгаллаши мумкин
18 июн 2017 01:51
Янгиликлар

Луис Энрике “Челси”да Контенинг ўрнини эгаллаши мумкин

Сўнгги кунларда “Челси” бош мураббийи Антонио Конте ва жамоа раҳбарияти ўртасидаги муносабатлар анча таранглашди.

Бунга сабаб сифатида жамоа келажаги борасида мураббий ва раҳбариятининг турлича қарашлари кўрсатилмоқда.

Айниқса, “Челси” раҳбарларига мураббийнинг жамоа ҳужумчиси Диего Коста билан хайрлашгани ёқмади. “Челси” хўжайини Роман Абрамович Испания терма жамоаси аъзосини жамоада кўрмоқчи, бироқ Конте унинг талаблари шубҳа остида қоладиган бўлса, ёки умуман бажарилмайдиган ҳолатда жамоа билан ишламоқчи эмас.

Шу тариқа Лондон клуби аллақачон италиялик мутахассиснинг ўрнига мураббий излашни бошлаб юборган. Асосий номзод сифатида эса “Барселона”нинг собиқ устози Луис Энрике кўрсатилмоқда. Бу ҳақда Sport газетаси The “Independent”га таяниб хабар бермоқда.

Агар “аристократлар” раҳбарияти ва жамоа мураббийининг фикрлари бир жойдан чиқмайдиган бўлса, Абрамович Луис Энрикени Контенинг ўрнига энг муносиб номзод сифатида кўрмоқда.

Луис Энрике “Барселона”ни 2014-2017 йиллар мобайнида, уч мавсум бошқариб, 9 та совринни қўлга киритган. Улар орасида 2 марта Испания чемпионлиги ва 1 марта ЕЧЛ ғолиблиги. Қолаверса, “Барселона” Луис Энрике қўл остида “олтин хет-трик”ка ҳам эришган.

Ҳавола :

Манба : www.sport.es

Янгиликларни Телеграмда ўқинг!

Рейтинг: +5