"Лос Анжелес Гэлакси" Ройсни қўлга киритиш учун унга алоқадор бўлмаган МЛС жамоасига пул тўлаши керак

Ройснинг "Боруссия" билан шартномаси 30 июнь куни тугайди ва у 12 йиллик фаолиятидан сўнг Бундеслигани тарк этади.

Рўйхатда Саудия Арабистони ва "Манчестер Юнайтед"дан таклифлар бўлган бўлса-да, 35 ёшли футболчининг кейинги манзили МЛС бўлиши кутилмоқда, унга кўплаб клублар қизиқиш билдирмоқда.

Журналист Сезар Луис Мерлонинг сўзларига кўра, Ройс "Лос Анжелес Гэлакси" билан бир йилга узайтириш варианти асносида 2025 йилгача шартнома имзолайди.

"Гэлакси" ярим ҳимоячини эркин агент сифатида ўз қўшиб олаётган бўлишига қарамай, лигада иштирок этувчи "Шарлотта" клубига пул тўлаши керак бўлади.

The Athletic нашри хабарига кўра, "Шарлотта" "кашфиётлик ҳуқуқи"ни қўлга киритганидан сўнг Ройс билан музокараларга киришган.

Лигадаги ҳар бир жамоа ўз кашфиёти рўйхатида кўпи билан етти нафар футболчига эга бўлиши мумкин.

Бу шуни англатадики, жамоалар ўзларининг янги трансферини "кашф қилган" клубга, шу жумладан, Ройсга пул тўлашлари керак.

Гарчи Ройснинг бу жамоага ҳеч қандай алоқаси бўлмаса-да, "Шарлотта" лигадаги қоида туфайли 350 000 долларни қўлга киритади.