"Локомотив" янги футболчиларни таништириш маросимига таклиф этади

Тошкентнинг "Локомотив" клуби 17 февраль, соат 11:00да ТТЗ мавзесида жойлашган "Локомотив" стадиони матбуот-анжуманлари залида Оммавий Ахборот Воситалари вакиллари учун янги мавсум олдидан матбуот анжумани ҳамда янги футболчиларни расман таништириш маросимини ўтказади.

Матбуот анжуманида аввалги мавсум якунлари, янги мавсумга тайёргарлик жараёни, жамоага қўшиб олинган янги футболчилар ва жамоанинг ўз олдига қўйган мақсадлари ҳақида сўз юритилади.

Анжуманда "Локомотив" бош мураббийи Вадим Абрамов, бош директор ўринбосари Тўлабек Акрамов, жамоа бошлиғи Қобил Юнусовлар журналистлар саволларига жавоб беради.

Тадбир ниҳоясига етгач, жамоанинг янги футболчилари билан ОАВ вакиллари учун интервьюлар олишга имконият яратиб берилади.