"Локомотив" "Ал Ваҳда" билан ўйин олдидан расмий машғулот ўтказди

Narzulla Saydullayev

11 фев 2018, 17:19

Эртага Ўзбекистоннинг икки карра чемпиони - "Локомотив" Осиё Чемпионлар Лигаси-2018 гуруҳ босқичи илк тур учрашувлари доирасида БААнинг "Ал Ваҳда" клубига қарши баҳс юритади.

Бугун ҳар икки жамоа ҳам ўйин ўтадиган "Локомотив" стадионида ўйинолди расмий машғулотини ўтказишди. Дастлаб соат 14:45дан бошлаб "темирйўлчилар" шуғулланишди. Машғулотнинг дастлабки 15 дақиқаси ОАВ вакиллари учун очиқ тарзда ўтди.

Таъкидлаб ўтамиз, "Локомотив" - "Ал Ваҳда" ўйини эртага "Локомотив" стадионида бўлиб ўтади. Учрашувнинг бошланиш вақти - 16:00.