"Легионер мухлис". Еттинчи сон
20 ноя 2017 11:40
Янгиликлар

"Легионер мухлис". Еттинчи сон

Сайтимизда "Легионер мухлис" рукни ишга тушгани ҳақида эълон қилинган эди.

Дунёнинг турли чеккаларида истиқомат қилаётган кўплаб футбол мухлисларимиз томонидан "Легионер мухлис"да иштирок этиш истагини билдиришди. Қуйида навбатдаги "легионер мухлис"ларимиз билан танишинг.

Сайтимиздаги "Легионер мухлис" рукнида иштирок этиш учун телеграм орқали https://t.me/CA_admin га маълумотлар, расмлар ва имкон бўлса қисқа видео мурожаатларни юборинг.

Мен Бегов Достонбек 1999 йил Ўзбекистонда Хоразм вилоятида туғилганман. Ҳозирда Хитойнинг Хангзхоу шаҳрида таҳсил оламан. Ёшлигимдан "Реал Мадрид" ва Ўзбекистон футбол ўйинларини қолдирмасдан кузатиб бораман. Бу расмни биз ўзбекистонлик талабалар бангладешлик талабаларни 7:3 ҳисобида ютганимизда олганмиз. Ўзбекистон терма жамоасига омад тилаб қоламан келажакда жаҳон чемпионатига чиқганинда биргаликда ўзбек халқи билан нишонлашни тилаб қоламан. Ўзбекистон №1. Хитойдан салом

Мен Мирзоҳид Раҳимов Москвада ишлайман. 2017 йил ёзида чилилик мухлислар билан Конфедерациялар кубогида тушган расм.

Мен Улуғбек Саттаров, Сурхондарё вилояти Қумқўрғон туманида туғилганман. Бугунги кунда Қозон шаҳрида ишлайман. "Рубин"га омад. ЖЧ-2018да Россияда ўтадиган мундиалда юлдузларни жонли кўрамиз.

Мен Фарғонадан Эҳсонбек Латипов, айни дамда Россиянинг Қозон шаҳридаман. Келаси йилги жаҳон чемпионати ўйинларини шу ерда кузатмоқчиман. Италиянинг "Ювентус" клуби мухлисиман. Сайтни чин дилдан кузатиб бораман. Сизларнинг олиб бораетган ажойиб маълумот ва кўнгилочар дастурларингизни мириқиб кузатаман. Келгуси ишларингизда омад ва зафарлар тилаб қоламан.

Биз Франкфуртдаги бир гуруҳ ўзбек йигитлари кеча Кёльн шаҳрида Германия - Франция ўртасидаги ўртоқлик ўйинига боргандик. Шу кечадан бир қанча расмлар жўнатмоқдамиз, истасангиз сайтда "легионер мухлис " рукнида эълон қилишингиз мумкин. Ҳурмат билан, Бекзод Турсунов.

Ассалому алайкум севимли сайтимиз мухлислари. Исмим Элмурод (AC MILN ELMUROD). Мен ҳозирда Москва шаҳрида вақтинчалик истиқомат қиламан. Орзуимга эришдим дунё футболининг энг зўр футболчиси (мен учун) Лео Мессини кўриш ва футболидан завқ олиш насиб этди.

Мен Азимқулов Амир 1996 йил туғилганман. Японияга келганимга бир йил бўлди. Англия футболини жуда яхши кўраман. Севимли жамоам "Манчестер Юнайтед" билан "Боруссия Дортмунд" Ўзбекистондан "Динамо" клуби мухлисиман. Ниятим Ўзбекистон терма жамоасига Томас Тухель мураббий бўлишини хоҳлардим. Чунки у ҳақиқий жонкуяр мураббий. Айнан мана шу мураббий Ўзбекистонни Осиё чемпионати-2019да совринли ўринларни аниқ олиб беради ва қийинчиликсиз ЖЧ олиб чиқади.

Хитой Халқ Республикаси Чанчун шаҳридан Илҳом.

Мен Худойбердиев Ғолиб Самарқанд вилояти Жомбой тумани Саричашма МФЙ туғилганман. Россия Федерацияси Москва вилояти Химки туманидаги Шереметьево аэропортида ишлайман. "Манчестер Юнайтед" ва Ўзбекистон миллий терма жамоасига мухлисман.