Куртуа ва Себальос "Реал" машғулотини ўтказиб юборди, Рюдигер ниқобда кўриниш берди
15 окт 2022 17:36
Янгиликлар
Куртуа ва Себальос "Реал" машғулотини ўтказиб юборди, Рюдигер ниқобда кўриниш берди
"Барса"га қарши ўйин олдидан Мадрид клуби тайёргарлиги хусусида маълумот берамиз.
Мадриднинг "Реал” клуби ҳимоячиси Антонио Рюдигер "Барселона"га қарши баҳсда ниқоб таққан ҳолда ўйнади.
Германиялик футболчи Чемпионлар Лигаси доирасидаги "Шахтёр" билан ўйинда (1:1) гол ураётган вақтида бошидан жароҳат олди, унинг бошига 20 та чок тушди.
Воқеадан сўнг футболчининг юз суяги шикастланмагани хабар қилинди.
Бугун Класико арафасида Рюдигер ҳимоя ниқобида машқ қилди. Шу тариқа, унинг ўйиндаги иштироки истисно қилинмаяпти.
Шу билан бирга, машғулотларда дарвозабон Тибо Куртуа ва ярим ҳимоячи Дани Себальос қатнашмади. Кеча бельгиялик футболчи "Эль Класико"ни ўтказиб юбориши ҳақида хабар берилганди.
Ла Лиганинг 9-туридан ўрин олган "Реал" – "Барселона" учрашуви Тошкент вақти билан соат 19:15 да бошланади.
Ўхшаш янгиликлар
championat.asia
ЖЧ-2026га қуръа ташланди. Барча гуруҳлар маълум!
Эшитдик-да! Кападзе Ўзбекистон терма жамоасидан кетди
Плей-офф: "Қўқон-1912" ва "Машъал" Суперлигада қолди
ЖЧ-2026. Ўзбекистон K гуруҳида: Роналду Ўзбекистонга қарши!
Фикрлар