Koronavirus Info. Рекорд: Ўзбекистонда бир кунда 96 нафар бемор коронавирусдан тузалди, касалланганлар сони эса 1678 нафарга етди
22 апр 2020 06:29
Янгиликлар

Koronavirus Info. Рекорд: Ўзбекистонда бир кунда 96 нафар бемор коронавирусдан тузалди, касалланганлар сони эса 1678 нафарга етди

Телеграмдаги расмий "Koronavirus Info" каналидаги энг муҳим хабарларни тақдим этиб борамиз.

2020 йил 21 апрель соат 23:00 ҳолатига кўра, Ўзбекистонда коронавирус инфекцияси қайд этилганлар сони 1678 нафарни ташкил қилмоқда.

Рекорд: Ўзбекистонда бир кунда 96 нафар бемор коронавирусдан тузалди

Тошкентдаги Вирусология илмий-текшириш институти клиникасида коронавирусга чалинганлардан яна 13 нафари соғайиб, реабилитацияга кузатилди.

Соғайганларнинг 3 нафари эркак, 10 нафари аёл. Беморлардан 1 нафари чартер рейсда Туркиядан Тошкентга келган. Қолган 12 нафари коронавирусга чалинган беморлар билан мулоқот орқали инфекция юқтириб олган. Улар орасида энг ёши каттаси 71 ёшда бўлса, энг ёши кичиги эса 2019 йилда туғилган.