Клопп: "Гвардиола Англиянинг тиғиз жадвалига тайёр бўлиши керак"

"Германияда Англия Кубоги ҳақида эшитганимда жуда ҳайрон бўлган эдим: Агар жамоалар дуранг қайд этса, иккинчи учрашув ҳам бўлиб ўтади. Бизда қўшимча вақт ва пенальтилар серияси бор, аммо иккинчи ўйиндан сўнг. Англия шундай қурилган - футбол, футбол, футбол, учрашувлар жуда кўп. Бу ерда мавсумолди тайёргарликни идеал даражада ўтказиш керак. Бу олдиндан маълум эди, аммо бошингиздан ўтказиш бошқача. Албатта, Гвардиола - тажрибали мутахассис. У бир нечта харид амалга оширади ва ажойиб жамоа тузади. Англиядаги ишимдан фақат ижобий туйғуларни ҳис қиляпман. Ажойиб мамлакат, ажойиб инсонлар ва бу ерда овқат одамлар айтганидан яхшироқ. Об-ҳаво ҳақида бир нима дея олмайман" - дейди Клопп.