Балки "Атлетико" ҳисобда устунликка эгадир, лекин чорак финал масаласи ҳали очиқлигича қолмоқда. Биз бу ўйинга учрашув қийматидан келиб чиқиб, катта иштиёқ билан ҳаракат қилишимиз лозим. Бу тўқнашувда ҳали ҳеч нарса ҳал бўлганича йўқ. Балотелли ва Коста? Бу иккала футболчи ҳам юқори иқтидор соҳиблари ҳисобланишади. Лекин бошқа футболчиларни ҳам унутмаслик керак. "Атлетико"да Костадан ташқари яна бир қанча юқори малакали футболчилар жамланишган. Диего Симеоне жамоасини кучли шакллантириб келмоқда. Мадрикликлар жамоа сифатида анчайин кучли ҳисобланишади. Бизнинг бор эътиборимиз эртанги баҳсга қаратилган.