Киберфутбол. “Barcamania Tashkent”, “Madridista Uzbekistan”, “Манчестер Юнайтед” фан-клуби ва Акмал Мирзо “UzArena”да
05 мар 2017 15:53
Янгиликлар

Киберфутбол. “Barcamania Tashkent”, “Madridista Uzbekistan”, “Манчестер Юнайтед” фан-клуби ва Акмал Мирзо “UzArena”да

Куни кеча киберфутбол Ассоциациясига қарашли “UzArena”да “Манчестер Юнайтед” фан-клуби Ассоциация билан ҳамкорликни йўлга қўйди.

Энди “Манчестер Юнайтед” фан-клуби аъзолари "қизил иблислар" иштирокидаги барча учрашувларни “Uz Arena”да томоша қилади.

Англия чемпионати 27-турдан ўрин олган "Манчестер Юнайтед" ва "Борнмут" ўртасидаги учрашувини томоша қилиш учун "UzArena"га "Манчестер Юнайтед" фан-клуби аъзолари ташриф буюрди.

Испания чемпионати 26-турида “Барселона” ўз уйида “Сельта” клубига қарши баҳс олиб борди. Ушбу учрашувни томоша қилиш учун “Barcamania Tashkent” фан-клуби аъзолари “Uz Arena”га ташриф буюрди.

Таъкидлаш керакки, "Barcamania Tashkent" фан-клуби аъзолари билан биргаликда ушбу баҳсни томоша қилиш учун таниқли радиоси бошловчи, актёр Акмал Мирзо "UzArena"га ташриф буюрди.

Бу турда Мадриднинг “Реал” клуби “Эйбар” жамоаси меҳмони бўлди ва рақибларини йирик 4:1 ҳисобида янчиб ташлади. Ушбу баҳсни томоша қилиш учун “Uz Arena”га “Madridista Uzbekistan” фан-клуби аъзолари ҳам ташриф буюрди ва севимли жамоаларини қўллаб-қувватлади.