Кенжабоевнинг трансферидан "Насаф" қанча маблағ ишлаб олиши мумкин?
25 дек 2020 00:08
Янгиликлар

Кенжабоевнинг трансферидан "Насаф" қанча маблағ ишлаб олиши мумкин?

Бугун "Насаф" футболчиси Ислом Кенжабоев Жанубий Кореянинг "Чежу Юнайтед" жамоасига ўтди.

Бу борада сайтимиз журналисти Шаҳбоз Беғамов ўз твиттерида шундай деб ёзди:

"Ислом эркин агент сифатида кетди. ФИФА қоидасига кўра, 23 ёшгача бўлган футболчи эркин агент сифатида бошқа жамоага ўтган тақдирда ҳам ўша клуб футболчини тарбиялаган жамоага маълум миқдорда маблағ тўлаб беради. "Насаф" Кенжабоевни 9 йиллик фаолияти учун "Чежу"дан пул олади".

Бунга қўшимча сифатида коммент тариқасида "Пахтакор" футбол клуби матбуот котиби Беҳзод Назаров аниқлаштириш киритиб ўтди:

"Чежу" 4-тоифа бўлса 18 минг, 3-тоифа бўлса 90 минг доллар атрофида 9 йил учун".

Маълумот учун, "Чежу Юнайтед" 2020 йил К2 Лигада иштирок этди ва биринчи ўринни эгаллаб К1 Лигага йўлланма олди. 2021 йилда "Чежу" Корея олий лигасида ўйнайдиган бўлди.

Ислом Кенжабоев ўтган мавсум 26 ўйинда майдонга тушди ва 5 голнинг муаллифига айланди.

Ҳавола :

Манба : championat.asia

Янгиликларни Телеграмда ўқинг!

Рейтинг: +37