Кеча "Нефтчи" ўйинига ростдан ҳам 8000 мингдан зиёд мухлис келдими? ФОТО

Ушбу ўйинга чиқарилган чипталар нархи 7 ва 10 минг сўмдан деб эълон қилинганди. Бироқ кеча учрашувга кириш учун чиптахонага келганимизда фақат 10 минг сўмлик чипталар сотилаётганини айтишди. Бунга нима сабаб эканлигига ҳеч ким тайинли жавоб бергани йўқ.

7 минг сўмлик чипталар сотиб бўлинган бўлса керак деб ўйлаб 10 минг сўмга чипта олиб стадионга кирдик. "Истиқлол"га киргач хайратдан ёқа ушладик, трибуна деярли бўўўм бўш! Тахминан 2 минга яқин мухлис бор эди. Мана шу бўш трибуналар остида ўтган баҳсда ҳеч ким гол ура олмади.

Ўйин тугаб бораётганида стадион суҳандони бугунги ўйинга 8102 нафар томошабин келди деб эълон қилганида барчамиз кулиб юбордик. Сабаби ҳар қанча ҳаракат қилсангиз ҳам хатто 4000 одамни санай олмас эдингиз!

Кейинги ўйинга бундан ҳам кам мухлис келади деб ўйлаймиз, лекин суҳандон барибир 8 минг қанчадир мухлис келди деб эълон қилаверса керак...

Фарғонадан Яҳёбек