Карпин: "28 декабрь куни Шомуродовнинг тўйи бўлади"

Бу ҳақда Ростов клуби устози Валерий Карпин "Матч ТВ"даги "8-16" кўрсатувида маълум қилди. 

Бошловчи: Шомуродов узоқ вақтдан бери гол урмаяпти. Унинг ўйинида пасайиш кузатиляптими ёки бу вазиятга боғлиқ нарсами?

Карпин: Унинг ўйинига, вазиятлар сонига ҳеч қандай эътироз йўқ. Вазият кўп бўлса бўлгандир, лекин камаймади. Ўзим ҳам футбол ўйнаганман. Ўша даврларда 6 ой гол ура олмаганман. Кейин рақиб дарвозасини ишғол қилдим ва навбатдаги 3та баҳсда ҳам ўз ҳисобимга гол ёздириб қўйдим. Омад деган нарсалар бор. Гол урган пайтларингиздагидек ўйнайсиз, аммо гол урмайсиз. Бундан ташқари футболга таъсир кўрсатувчи ташқи омиллар ҳам бор. Масалан, мураббий ўзича турли режалар тузиб, ҳаммага рол ажратиб беради. Аммо ўша ўйинчи хотини билан уришиб қолган ёки фарзанди касал бўлади. Ҳаммамиз одаммиз. Футболни инсонлар ўйнайди. Шомуродов 28 декабрь куни уйланади. У роппа-роса 2 ой олдин келин билан танишган экан. Бу таъсир қиладими ёки йўқ, билмайман. Собиқ иттифоқ даврида футболчи уйланса, бир йил унинг ўйинида пасайиш кузатиларди.

TAS-IX эмас