Карло Анчелотти мавсум охирида кетади

Италиялик қарорини клуб раҳбариятига етказган ва "қаймоқранглилар" совринлар ютган тақдирда ҳам уни ўзгартирмаслигини маълум қилган. "Реал" раҳбарлари Анчелоттини қарорини ҳурмат қилган ҳолда уни фикридан қайтаришга уринишмаган. 65 ёшли мутахассиснинг ўрнига асосий номзод сифатида "Байер" устози Хаби Алонсо тилга олинмоқда.

Эслатиб ўтамиз, Анчелотти қўл остида "Реал": икки мартадан Испания Суперкубогини ва Испания Кубогини, уч марта УЕФА Суперкубогини, Қитъалараро кубокни, икки марта Испания чемпионати, икки марта Клублар ўртасидаги жаҳон чемпионатини ва уч марта Чемпионлар Лигасини ютган. Жорий мавсум Ла Лига 20-туридан кейин "қаймоқранглилар" жадвалда етакчи бўлиб туришибди.