Кабо-Верде терма жамоаси ЖЧ-2014 саралашининг плей-офф босқичида иштирок этишдан четлатилди
12 сен 2013 21:27
Янгиликлар

Кабо-Верде терма жамоаси ЖЧ-2014 саралашининг плей-офф босқичида иштирок этишдан четлатилди

ФИФА тартиб-интизом қўмитаси Кабо-Верде терма жамоасини Жаҳон чемпионати-2014 саралашида иштирок этишдан четлатишга қарор қилди.

Бундай қарор, ҳимоячи Фернанду Варелани Тунис термасига қарши ўйинда (2:0) ноқонуний тартибда қатнашганлиги учун чиқарилган. Ўйиндан кейинги текшириш ишларидан сўнг Кабо-Вердега 0:3 ҳисобидаги техник мағлубият ёзилган.

Шундай қилиб Тунис 14 очко жамғарган ҳолда В гуруҳида пешқадам бўлиб олди ва энди Кабо-Верде терма жамоаси ўрнига плей-офф баҳсларида қатнашади.

Эслатиб ўтамиз, 24 мартда Экваториаль Гвинеяга қарши бўлган ўйинда қизил карточка олиб 4 ўйинга дисквалификация қилинган Варела, икки дисквалификацияни ўтказиб майдонга тушган.

Ҳавола :

Манба : sports.ru

Янгиликларни Телеграмда ўқинг!

Рейтинг: