Жоау Феликс ҳам коронавирусга чалинди. Бунга қадар асосий таркибнинг икки ўйинчиси касалланганди
03 фев 2021 14:36
Янгиликлар

Жоау Феликс ҳам коронавирусга чалинди. Бунга қадар асосий таркибнинг икки ўйинчиси касалланганди

"Атлетико"да коронавирус билан боғлиқ муаммолар авж олмоқда.

Мадрид клуби матбуот хизматининг хабарига кўра, жамоа ҳужумчиси Жоау Феликснинг коронавирус учун топширган тести мусбат натижа берган.

Португалиялик футболчи айни дамда уйида ўзини изоляция қилган ва соғлиқни сақлаш органлари кўрсатмаларига амал қилмоқда.

Эслатиб ўтамиз, бунга қадар ярим ҳимоячи Янник-Феррейра Карраско ва ҳимоячи Марио Эрмосода ҳам касаллик аниқланганди.

"Атлетико" Ла Лигада катта устунлик билан 1-ўринда бормоқда. Жамоа энг яқин таъқибчилари - "Реал" ва "Барселона"дан 10 очко илгарилаб кетган ва битта захира ўйинига эга. "Атлети" ўзининг кейинги ўйинини 8 февраль куни ўз уйида "Сельта"га қарши ўтказади.

Our player @joaofelix70 has tested positive for COVID-19.
He’s isolating at home, in compliance with the health authorities’ guidelines.
— Atlético de Madrid (@atletienglish) February 3, 2021