ЖЧ саралашидаги рақиб – Жанубий Корея Ироққа гол ура олмади
08 июн 2017 00:19
Янгиликлар

ЖЧ саралашидаги рақиб – Жанубий Корея Ироққа гол ура олмади

Ўзбекистон миллий терма жамоасининг ЖЧ–2018 турнирига саралаш босқичи “А” гуруҳидаги рақиби – Жанубий Корея терма жамоаси бугун, 7 июнь куни Ироққа қарши ўртоқлик ўйинида майдонга тушди.

БААда бўлиб ўтган ўйинда ҳисоб очилмади - 0:0. Аввалроқ саралаш босқичи “А” гуруҳи иштирокчиларидан Хитой Филиппинни 8:1 ҳисобида мағлуб этганди, Сурия терма жамоаси Япония билан (1:1), Қатар футболчилари КХДР билан (2:2) дуранг ўйнагани, Эрон термаси эса Черногорияни 2:1 ҳисобида мағлубиятга учратгани ҳақида хабар берилганди.

Ўз навбатида Ўзбекистон терма жамоаси Тошкентда Таиланд футболчилари билан ўртоқлик ўйини ўтказиб, 2:0 ҳисобида ғалаба қозонди. Юқоридаги барча ўйинлар ЖЧ–2018 “А” гуруҳи 8-турига тайёргарлик вазифасини ўтади.

Маълумот учун, Ўзбекистон терма жамоаси саралаш босқичи 10-турида Тошкентда Жанубий Кореяни қабул қилади. Мазкур ўйин 5 сентябрь куни кунига белгиланган.

Эслатиб ўтамиз, ЖЧ–2018 саралаш босқичи “А” гуруҳи 7-туридан кейин Эрон 17 очко билан пешқадамлик қилаётган бўлса, 13 очко жамғарган Жанубий Корея иккинчи поғонада бормоқда. Ўзбекистон терма жамоаси 12 очко билан учинчи ўринни банд қилган. 4–6 ўринларни мос равишда Сурия (8 очко), Хитой (5 очко) ва Қатар (4 очко) термалари эгаллаган.

Ҳавола :

Манба : championat.asia

Янгиликларни Телеграмда ўқинг!

Рейтинг: +4