UZ

Сўнгги янгиликлар

22:28АПЛ. "Лестер" – "Бёрнли". Таркиблар маълум   5 22:25"Шаҳр Ходро" устози Муҳаммад Навази: "Ал Ҳилол" буюк клуб эканлигини бугун исботлади"  5 22:22«Ливерпуль» «Стэмфорд Бриж»да «Челси»ни мағлуб этди  136 22:17ОЧЛ-2020. "Шаҳр Ходро" - "Ал-Ҳилол" 0:0  1 22:16ПСЖ Деле Алли трансфери бўйича музокараларни бошлади  0 21:55ОЧЛ. “Ал-Ҳилол” “Шаҳр Ходро” билан дуранг ўйнади ва муддатидан олдин кейинги босқичга чиқди (+жадвал)  14 21:45ОЧЛ. "Шабаб Ал Аҳли" - "Пахтакор". Асосий таркиблар маълум  39 21:40"Навбаҳор" - "Андижон" учрашувидаги хавфли вазиятларни томоша қилинг  7 21:36Анвар Бердиев: "Мураббий сифатида барча айбни ўз зиммамга оламан"  1 21:35Агент Жалолиддинов билан боғлиқ ҳолатга изоҳ берди  13 21:32Алишер Шоғуломов: "Пуришкиндан кўра ёшларга имконият беришни маъқул кўрдик"   1 21:28"Бухоро" - "Локомотив" учрашувида урилган голлар ва хавфли вазиятларни томоша қилинг  0 21:16Olamsport: Шоҳжаҳон Эргашевнинг эртанги жанги бекор қилинди, Хамзат бир ойда учта жанг ўтказиши мумкин  0 21:07"Навбаҳор"нинг ғалабасиз серияси 7та ўйинга етди, жамоа охирги 4 ўйинда 1та гол урди  34 21:05Беларусь чемпионати. “Шахтёр” (Солигорск) мағлубиятга учради ва пешқадамликни БАТЭга топширди (+жадвал)  2

ЖЧ-2022 саралаш. Ён қўшниларимиз 4-турни қандай ўтказишди? Янгиликлар

ЖЧ-2022 саралаш. Ён қўшниларимиз 4-турни қандай ўтказишди?

Бугун Осиё қитъаси бўйлаб жаҳон чемпионати саралаш босқичининг иккинчи раунд 4-тур учрашувлари бўлиб ўтмоқда.

Кишини хурсанд қилган жиҳати, бугун Ўзбекистон миллий терма жамоаси сафарда Сингапур меҳмони бўлиб 3:1 ҳисобида ғалаба қозонди. Қўлга киритилган иккита ғалабадан кейин вакилларимиз гуруҳда биринчи ўринга кўтарилиб олишди. 

Албатта, шу ўринда кўпчиликни ён қўшниларимиз қайд этган натижалар қизиқтириши табиий. Шу боис қуйида қўшниларимиз бу турни қандай ўтказишгани ҳақида алоҳида тўхталиб ўтамиз. 

Афғонистон 

"E" гуруҳида баҳс олиб бораётган Афғонистон ўтган тур сафарда Уммонга 0:3 ҳисобида имкониятни бой берганди. Бу жамоа қуръа жараёнида 4-саватчадан жой олгани боис бу турда дам олди. Афғонистон термаси 3та ўйиндан сўнг уч очко билан гуруҳда учинчи ўринни эгаллаб турибди. Жамоа ҳозирча фақат Бангладешни мағлуб этган. Афғонистон кейинги турни 14 ноябрь куни ўз майдонида Ҳиндистонга қарши ўтказади.

 


Қирғизистон

Бугун Мўғулистонни 2:1 ҳисобида мағлуб этиб қайтган Қирғизистон жадвалнинг иккинчи поғонасига кўтарилиб олди. Александр Крестинин шогирдлари ҳисобида 6 очко мавжуд. Мўғулистон билан кечган баҳсда Гулжигит Аликулов ва Мирлан Мурзаев томонидан киритилган голлар қўшниларимизга навбатдаги ғалабани тақдим этди. Қирғизистон терма жамоаси кейинги турни (14 ноябрь) Бишкекда Японияга қарши ўтказади. 


Тожикистон 

Яна бир ён қўшнимиз Тожикистон терма жамоаси бу сафар мағлубиятга учради. Усмон Тошев шогирдлари Душанбеда Японияни қабул қилиб 0:3 ҳисобида имкониятни бой беришди. Ўйинда Такуми Минамино дублга эришган бўлса, яна бир гол Такума Асано ҳисобига ёзилди. Маълумки, Қирғизистон ва Тожикистон саралашда битта гуруҳда иштирок этяпти ва Тожикистон ҳам 6 очко жамғарган ҳолда 3-ўринни эгаллаб турибди. Тожикистон терма жамоаси 5-турни сафарда Мьянмага қарши ўтказади. 


Туркманистон 

Ўзига яраша кучли гуруҳдан жой олган Туркманистон бу турда дам олди. 3-турни жамоа меҳмонда Ливанга қарши ўтказиб, 1:2 ҳисобида мағлуб бўлганди. Туркманлар таркибида аввалги ўйинда Алтимират Аннадурдиев  гол муаллифи бўлди. Туркманистон термаси ҳисобида 3 очко бўлиб, гуруҳ жадвалида 4-ўринда боряпти. Бу жамоа келаси турда 14 ноябрь куни ўз майдонида КХДР термасини қабул қилади.

Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика