Жавоҳир Қаҳрамонов: "Жарима зарбасидан урилган гол ўз-ўзидан келгани йўқ"
21 авг 2021 17:00
Янгиликлар

Жавоҳир Қаҳрамонов: "Жарима зарбасидан урилган гол ўз-ўзидан келгани йўқ"

Жиззахнинг "Сўғдиёна" жамоаси Ўзбекистон кубоги 1/8 финалида ўз майдонида "Локомотив"ни мағлубиятга учратиб чорак финалга йўлланма олди (2:1)

Ғалаба келтирган голга жамоанинг ярим ҳимоячиси Жавоҳир Қаҳрамонов муаллифлик қилди. У сўнгги дақиқаларда белгиланган жарима зарбасини аниқ ижрот этиб Абдумавлон Абдужалилов дарвозасини ишғол қилди. Биз эса ўйин қаҳрамонининг фикрларини тингладик.

"Турон"дан учралган мағлубият қаттиқ таъсир қилгани учун бизга ғалаба жуда зарур эди. Майдонда ҳамма борини берди. "Локомотив" яхши шаклланган жамоа. Уларга кейинги ўйинларда омад тилайман.
Охирги дақиқаларда урган голимга келсак, бу ўз-ўзидан келгани йўқ. Биласиз машғулотларда ҳар бир жиҳат устида ишланади. Таваккал берилган зарба, демаган бўлардим. Олдиндан ўйланган ва ишланган.
Чорак финалдаги рақибимиз "Насаф" жамоаси. Лекин унгача Суперлигада муҳим ўйинларимиз бор",- дейди Жавоҳир Қаҳрамонов.

Ҳавола :

Манба : championat.asia

Янгиликларни Телеграмда ўқинг!

Рейтинг: +5