UZ

Сўнгги янгиликлар

18:47Карикатура: "Барселона" жорий мавсумда ЧЛни юта оладими?  5 18:23Еврофутбол мухлислари учун. Бугундан "қайноқ" август бошланади  2 18:23"Ман Сити" ёзда яна 5 ўйинчи харид қилмоқчи. Клуб Лаутаро ва Феликсга ҳам қизиқмоқда  5 18:13Самвел Бабаян бошчилигидаги "Чанчун Ятай" Ислом Тўхтахўжаев ўйнаётган "Шеньянг Урбан" билан ўртоқлик учрашуви ўтказди  6 18:00Мутолаа учун. Миллионларни мафтун этган "Аталанта", ниятига ета олмаган "Интер", "Рома", "Наполи" ва аутсайдерлар ҳақида   1 18:00"Валенсия" келаси мавсум учун либосларини намойиш этди  0 17:37"Реал" Хамесни "Атлетико"га 10-15 миллион евро эвазига сотиши мумкин  3 17:28Ўруновнинг трансферидан ўзбек клублари қанча ишлайди, Аҳмедовдан йўқотилган пуллар  23 17:13"Вест Хэм" хавбеки Антонио - АПЛнинг июль ойидаги энг яхши ўйинчиси. У 7та ўйинда 8та гол урди  3 16:50Хазензюттль - АПЛнинг июль ойидаги энг яхши мураббийи  1 16:27Остон Ўруновнинг "Спартак"даги илк машғулотлари ва интервью (фото+видео)  40 16:08Olamsport: Исроил Мадримовнинг режалари ўзгарди, Хамзатр ҳар ҳафта октагонга чиқмоқчи ва бошқа хабарлар  0 15:59"Манчестер Юнайтед" Теллес учун курашга қўшилди  1 15:37Қатар клуби Сильва билан шартнома имзоламоқчи  3 15:18Остон Ўрунов: "Отам "Спартак"да ўйнашимни орзу қилган"  36

Жаноби раҳбарлар ва жаноби бош мураббийлар, Сизларга «ДУБЛЬ» нима учун керак? Янгиликлар

Жаноби раҳбарлар ва жаноби бош мураббийлар, Сизларга «ДУБЛЬ» нима учун керак?

«Дубль» деб нимага айтилишини барчангиз биласиз, ўринбосарлар лигаси, ҳозирда U-21 лигаси деб номланади. Кеча Андреа Пирло «Ювентус»нинг айнан шу жамоасига бош мураббий этиб тайинланди.

Бундан бир неча йил аввал Гвардиола худди шу йўлдан борган эди. ЕЧЛни забт этишдан чарчамаётган Зидан ҳам «Реал» ўринбосарларида 2 йил ишлади. Гаттузо ҳам шу йўлни босиб ўтди. Энг қизиғи шундаки, бу мураббийлар футболчи сифатида эришган номи билан исталган клубда бош мураббийликка даъвогарлик қилсалар бўлар эди. Аммо Европача қараш, уларни аввал ёшлар билан ишлашга ундади.

Бу клуб раҳбари учун ҳам ўта муҳим. Аввало мураббий сифатида босимга кўникади ва ижод қилиши учун ёшлар билан ишлайди. У ерда бир икки йил ишлаб, асосий таркибга ўтади. Табиийки, ўзи билан ишлаган ёш футболчиларни потенциалини билган ҳолда, иккиланмай уларни асосий таркибга қўя бошлайди. Ўзбек футболи тарихида сўнгги йилларда бу йўлни фақатгина Рўзиқул Бердиев босиб ўтди. Тошев келгач у ўринбосарлар таркибига ўтказилди. Яна бироз ўтгач асосий таркибга қайтди ва ўзи билан ишлаган футболчиларни иккиланмай асосий таркибга қўйди. Айнан шу футболчилар 1 йил олдин «Насаф»ни чуқур инқироздан қутқариб қолганлигини инобатга олсак, ўша даврдаги қарор тўғри бўлганлигини кўрамиз. Аслида ўринбосарлар лигасининг мақсади ҳам шу. Истеъдодларни кашф қилиш.


Айни пайтда, яъни 2020 йил ҳисобидан оладиган бўлсак, ёшлар лигасига эътибор қаратаётган клубларни санаб ўтамиз: «Пахтакор», «Бунёдкор», «Насаф» ва «Металлург». Мана шу 4та клубдагина ўринбосарлар асосий таркиб каби ётоқ ва уч маҳал еб ичишга эга. Булар қаторига қўшилишни истаётган яна бир клуб, бу «Локомотив», шу билан рўйхатимиз тугади. Айни пайтда «Бунёдкор» ўринбосарлар лигасида сўнгги поғонада бораётгани, бу улардаги аксар ёш ўйинчиларни асосий таркибда майдонга тушаётганлигидан. Қолган клублар эса U-21 деганда, 21 ёшли футболчилар ва асосий таркибдан яна 3 нафар қарияни ўйнатишни тушунадилар. Сабаби, улар учун ўринбосарлар лигасида ҳам натижа керак. Суперлигадаги 4-ўрин ҳеч нимага арзимаётган бир пайтда, тухумнинг сариғини ҳам бермайдиган ўринбосарлар лигасида натижа учун ўйнашлик, бу ғирт аҳмоқликдан бошқа нарса эмас. Ўринбосарлар лигасидаги энг катта натижа, бу ҳеч бўлмаса 1 йилда бир нафар асосий таркибга, юлдуз футболчини тарбиялаш. Номига футболчи ўтказиш, бу натижа эмас.


Аслида ҳар бир вилоятда истеъдодлар тўлиб ётибди. Уларга нима тўсиқлик қиляпти? Келинг, билганларимдан келиб чиққан ҳолда уларни санаб ўтсам:


1. Шароит. Асосий таркибга яратилаётган имкониятлар ўринбосарлар лигаси учун тақдим қилинмайди. Асосий таркибда устимиздан ёзиб кетадиган легионерларнинг бир йиллик улуши, 150 000дан 300 000 АҚШ долларигача етади. Агар клублар битта «чириган» легионеридан воз кечса, демак бизда 50 000 дан 100 000 АҚШ долларигача пул тежалади. Бу 500 млндан 1 млрд сўмгача маблағ. Энди ўринбосарлар лигасини ушлаб туриш учун бизга керак бўладиган маблағ: 18 киши кунига 100 000 сўмлик еб ичиш харажатини ишлатса (1 кун учун 100 000 сўм кичкина сумма эмас) 26 кунга 46 800 000 сўм бўлади. Буни энди 10 ойга кўпайтирамиз. Декабрь ва июль ойларини олиб ташладик. 468 000 000 сўм. Бу 46 000 АҚШ доллари. Агар ўринбосарлар таркибидаги эътибор асосий таркибдан кам бўлмаса, ишонинг 1 йил ичидаёқ ўша бизга келаётган, бировда ўтмай қолган, бизникилардан ҳам устун бўлмаган, пул бўлмаса ўйинни сотиб, бизнеси ўхшаб қолса тотализаторга пул тикиб юборадиган легионердан минг чандон яхши ўйинчи чиқади. Атиги 500 млн сўмга 18 нафар келажак авлодни тарбияласа бўлар экан. Мени ПФЛга таклифим, агар бирон клуб ўз ўринбосарларига базасидан шароит қилиб бермаса, легионерларни рўйхатдан ўтказишга йўл қўймаслиги керак.


2. Мураббийларнинг малакаси. Ёшлар лигасига Ўзбекистон бўйлаб энг кам иш ҳақи оладиган мураббийлар «чертиб» олинади. Асло яхши савиядаги мураббий ўринбосарлар лигасига боришга рози бўлмайди. Чунки бу лигадаги мураббий ҳам маъмур, ҳам шифокор, керак бўлса қоровул бўлиши керак. Асосий таркиб сингари у ердаги мураббийнинг қадри баланд эмас. Ёмон томони шундаки, у ердаги аксар мураббийлар ҳам кун ўтса бўлди қабиласида ишлашида. Яхши шогирд тайинлаб, уни амаллаб асосий таркибга киритиш ҳақида эса ўйлаб кўрмайдилар. Ҳозирча, бундайлари етарлича.

Яна бир энг катта муаммо, ёшлар лигасига эътибор қаратилмайдиган клубларда бу таркибга кириш учун мураббийга маълум миқдорда ҳақ тўланиши керак. Шармандагарчиликдан бошқа нарса эмас. Айнан шундай инсонлар касрига Ўзбекистон Европа бўлиб кета олмаяпти. Айнан шундай инсонлар касрига коронавирусни енгиб ўтишда қийналяпмиз. Афсуски бундай инсонлар ҳар соҳада топиляпти.


3. Майдон. Бу ҳам энг катта оғриқли нуқталардан бири. Ўринбосарлар жамоасига келганда яхши сифатдаги майдон топилмайди. Тўплар эса асосий таркибдан қолгани бўлади. Витаминизация деган нарса ширин чойга нисбатан тушунилади. Ҳар бир ёш футболчи ўзини асосий таркиб эгаси сифатида ҳис қилиши учун аввало шароит ёшлар лигасида тахт қилиб берилиши керак. Шунда бола асосий таркибга ўтганидан кейин, Марсга тушиб қолгандек ўзини йўқотиб қўймайди.


4. Истеъдод қандай кашф қилинади? Бунинг учун аввало асосий таркиб бош мураббийи, ўз қўл остига яхши сифатдаги мураббийни олиши ва ёшлар лигасига бош-қош қилиб қўйиши керак. Ўринбосарлар жамоаси қатъий асосий таркиб услубида ишлаши керак. Мана шунда ўтиш босқичи осон кечади. Лекин биздаги энг катта муаммо, ёшлар лигасининг мураббийлари билан иши йўқ, аксар полвонларимизни! «Бунёдкор», «Насаф», «Пахтакор»га ўхшаб пул қилсанг бўлмайдими? Эртага хаш-паш дегунча, 2030 йил келади ва клублар давлат томонидан молиялаштиришдан тўхтайди, ҳамма клубларни ёпиб юборамизми шунда ёки 4та клуб билан 10та давралик мусобақа ташкил қиламизми?



5. ПФЛ регламентига ўзгартириш киритиши керак. Мен бу ҳақда 2014 йилдан бери гапираман. Лекин ҳозирча ҳеч ким бу ҳақда ўйлаб кўргани йўқ. Дейлик ёшлар лигасига эътибор қаратадиган Рўзиқул Бердиев «Пахтакор» билан Тошкентда ўйнаши керак. 1 кун аввал ёшлар лигаси ўйнаётган пайт, Рўзиқул Бердиев ё Тошкент томон йўлга чиққан бўлади, ёки меҳмонхонада эртанги ўйин борасида футболчилари билан теория ўтказаётган, яна бўлмасам машғулот ўтаётган бўлади. Ёки Вадим Абрамов ўз майдонида «Машъал» билан ўйнаши керак. Ёшлар лигаси ўйин бошлайдиган пайти уни машғулотлари бўлади. Нари борса 15 дақиқа базадан машғулотга кетаётганида ўйинни кўриши мумкин. Бердиев ва Абрамов мисолида ўринбосарлар ўйинини 90 дақиқа кўрса нима бўлади? Агар ўйин асосий таркиб учрашувининг эртасига бўлса, муаммо бўлмайди.

- Ёшлар лигасидаги футболчи бош мураббийни олдида ўзини кўрсатишга ҳаракат қилади ва ўйинга астойдил тайёргарлик кўради.

- Рақиб сафидаги ўйинчини кузатиш ва селекция қилиш имконияти пайдо бўлади.

- Бош мураббийни асосий ўйини ўтиб бўлган ва у ҳеч қандай ўзга ҳаёлларсиз ўринбосарлар лигасини кузатади.

- Бир кун аввал ёшлар лигасидан олиб қўйилган, лекин асосий таркибда ҳам тушмаган футболчи, ҳеч бўлмаса эртаси куни ёшлар лигасида ўйнаш имкониятига эга бўлади. Ёшлар лигасида 3 нафар қария футболчини бўлиши яхши ҳолат. Улар орқали ёшлар сифатини оширади. Бош мураббий эса, бир кун аввал кам ўйнатган катта ўйинчисини ёшларга қўшиш имкониятига эга бўлади.

- Ва ниҳоят энг катта масала, ёшлар мураббийи бош мураббий олдида «дулларча»сини олиб қўйган боласини асосий таркибга қўя олмайди.


ПФЛ яна битта қилиши керак бўлган ишдан бири, Европага ўхшаб ҳар бир жамоанинг рўйхатида ўша клубни, айнан ўша клубнинг 8 нафар тарбияланувчиси бўлиши ва асосий таркибда улар камида 3 нафар бўлиши кераклиги тўғрисидаги регламент бандини киритиш. Айнан шу банд туфайли МЮ 90 йиллар бошида юлдузли онларини ўтказган. Айнан шу банд орқали «Барселона» пайтида Европани забт эта олди. Ҳозир бу банд Россия футболига ҳам кириб келди, навбат бизга.


Аслида ёшлар лигасининг муаммолари янада кўп. Буларни ёзишимга сабаб, сўнгги кунларда клубларимизни тинмай ФИФА томонидан жазоланаётганлиги. Эссиз пуллар...

Муаллиф : Nadirkhuja Yuldashev
Рейтинг: +21   

Фикрлар

+8   
01 авг 15:37:19
Zidan0909
узини пули эмасда шунга корни огримий 200 300 минг долларга лигонер олип довлат пулини ювади клуб хусусий болса уз пулин уйлап ишлатади хозир урин босарларга хам талаб куйилса кимга фойда корни котталарга фойда яна буджетдан 10 сум олип 5 сум чунтакка 5 сум урин босарларга энг яхши вариант клубларни хусусийлаштириш
+6   
01 авг 16:07:37
sodirbek
Олдинлари Саркисян дублди ўзи ўйнатарди киргилида ўйиндан кейин аснова тренировка қиларди
+5   
01 авг 20:56:52
mr.dimon
Рахмат мақола учун. Қани шуларни футболимизга татбиқ этишса анча фойдаси бўлиб футболимиз ўсишига хисса қўшиларди. Илохим сиздай инсонлар кўпайсин футболимизда. Ишларизга омад ва ривож тилаб қоламан.
Худо хохласа ўғлими футболга бераман шунда сиз билан албатта боғланиб маслахат оламан. Хозир 4 ёшда. Хамма мақолаларизи ўқиб бораман. Бир кун келиб сиз билан ёнма ён мулоқот қилишга умид қиламан.
+5   
01 авг 20:49:27
Зохирбек
АССАЛОМУ АЛЕЙКУМ КАДРЛИ ИНСОНЛАР,ЧИРОЙЛИ ВА ДОЛЗАРБ МАВЗУНИ ЧИКАРИБ ТУГРИ КИЛИБСИЗЛАР,АВВАЛО ДУБЛЬ ДЕГАНДА,ЁШ ИКТИДОРЛАР,УЗИНИ КОТТА ФУТБОЛДА УЗ МАВКИЙИГА ЭГА БУЛАМАН ДЕГАН ФУТБОЛЧИЛАРНИ КУЗ ОЛДИМИЗГА КЕЛТИРАМИЗ,БУЛАРГА ЭЪТИБОР БЕРИШ КЕРАК ВА ШАРТ,АФСУСКИ БИР НЕЧА СУПЕР ЛИГА ЖАМОАЛАРИ ДУБЛЬ УЙИНЛАРИГА ШУ УЙИН КУНИ ЧИКАРИБ ЮБОРИШАДИ,ЙУЛ АЗОБИ ГУР АЗОБИ,ТРАНСПОРТ ХОДИСАЛАРИ ВА БОШКА ФАКТОРЛАР ХИСОБГА ОЛИНМАЙДИ,ЧУНКИ БИРИНЧИ УРИНДА МАБЛАГНИ ЭКОНОМИЯ КИЛИШ КЛУБ РАХБАРИЯТИНИ ВАЗИФАСИ,ФАКТОРЛАРДАН ЯНА БИРИ ТРЕНЕРЛАР ШТАБИ ТУЛИК ВЫЕЗДЛАРГА ЮРИШМАЙДИ,ЯНА ПУЛНИ ЭКОНОМ КИЛИШ КЕРИ К,КЕЙИНЧАЛИК УЙИНЛАР УТКАЗИЛИБ ОЙ ОХИРИДА ЖАМОА АДМИНИСТРАТОРИ ВЕДОМОСТЬ БИЛАН БУШ ВЕДОМОСТЬ БИЛАН БОЛЛАРГА КУЛ КУЙДИРИШИБ,УНИ ЕПИШАДИ,ДУБЛЬ НА ОЙЛИК МАОШ НА ПРЕМИЯ ДЕГАН НАРСАНИ БИЛИШАДИ КУПЧИЛИК КЛУБЛАРДА ШУНАКА УЧРАБ ТУРАДИ,ВАХОЛАНГКЕ БОЛА УЗИ УЧУН БУТЦА ОЛИШИ КЕРАК,У ХАМ ДУСТЛАРИ ОЛДИДА ЯХШИ КЕЙИНИБ ЮРИШНИ ХОХЛАЙДИ,ФАКАТ ОТА ОНАСИНИ ТОПГАНИНИ ЕБ ИЧИБ ЮРАВЕРМАЙДИКУ,ЕШИ 21 ДА.
+5   
01 авг 18:11:00
Nadirkhuja Yu
Navbahor 1996 фойдаланувчининг фикрига жавоб бериш
Gap yuq HAQIQAT (((((( NAVBATDAGI PIARRR...
Мақола езса пиар бўларканми? Ёки кўчада оч қолдимми? Ишлаётган федерациям сўннги маротаба январда маош берган? Нима ростан нимадирни ўйласа пиар еки мансаб керак бўладими? Бир йилда қанча иш таклиф қилишади, мен ҳам юрсам бўлади мукофот пули олиб. Навбаҳор дублида Улуғбек Акназаров деган бола бор. Шу ота томондан етим болани онасини олдига бориб мен ҳақимда битта сўраб келингчи. Бу ерда коммент езмасдан, шу ишга жичча вақт ажрата оласизми? Эртага шу бола юлдуз бўлиб кетса, олдимда уялиб қолманг. Шуҳрат Мирхолдиршоев ишга оламан сизни, шунча ердам қилдингиз дейди. Ока шу маошни бошқа маҳаллий кадрга беринг деган ҳам мен бўламан. Текинга ердам қилавераман деб. гапиришдан аваал ўзизга савол беринг, касбиз бўйича нима ярата олдингиз?
+4   
01 авг 15:51:17
M_M_R
Мен доим ўринбосарларни ўйинларини қоллирмай кузатаман. Албатта ўз вилоятимдаги учрашувларни. Бир неча йилдан бери кўраман Насаф жамоаси ўринбосарлари учрашувига доим Рўзиқул Бердиев ташриф буюриб бевосита учрашувни томошша қилади. Бир неча маротаба гувоҳи бўлдим. Шу боисдан ушбу мураббийни тўғри ишлаши натижасида Насафга фифадан арз келиб тушмайди.
+3   
01 авг 20:06:12
Макс
Nadirkhuja Yu фойдаланувчининг фикрига жавоб бериш
Мақола езса пиар бўларканми? Ёки кўчада оч қолдимми? Ишлаётган федерациям сўннги маротаба январда маош берган? Нима ростан нимадирни ўйласа пиар еки мансаб керак бўладими? Бир йилда қанча иш таклиф қилишади, мен ҳам юрсам бўлади мукофот пули олиб. Навбаҳор дублида Улуғбек Акназаров деган бола бор. Шу ота томондан етим болани онасини олдига бориб мен ҳақимда битта сўраб келингчи. Бу ерда коммент езмасдан, шу ишга жичча вақт ажрата оласизми? Эртага шу бола юлдуз бўлиб кетса, олдимда уялиб қолманг. Шуҳрат Мирхолдиршоев ишга оламан сизни, шунча ердам қилдингиз дейди. Ока шу маошни бошқа маҳаллий кадрга беринг деган ҳам мен бўламан. Текинга ердам қилавераман деб. гапиришдан аваал ўзизга савол беринг, касбиз бўйича нима ярата олдингиз?
Ман яхши эсладим Улугбек Акназаров хакида эслаб колинг деб макола ёзгансиз, хозир дублер мтж га чакирилибди бу бола. Ишларизга ривож!
+3   
01 авг 17:18:01
Уткир
Жуда тўғри фикрлар ёзилибди, биздаги муаммолар тўғри кўрсатилган. Бу борада Бунёдкорда ўринбосарлар учун шароит яхши ҳамда В.Абрамов иложи борича ҳамма ўйинни стадиондан бевосита кузатиб борганининг гувоҳи бўлганман. Ўзига ёққан истеъдод бўлса дарҳол асосийга жалб қилади. Шунинг учун Бунёдкорда асосий жамоага номзодлар етарли, гарчи турнир жадвалида пастроқда бўлса ҳам.
+2   
01 авг 16:42:30
Ўзбеклигим фахрим
Ҳозирги ўзбек футболи учун ҳамма нарса увол яхшиси футболимизни нол қилиб бошқатдан иш бошлаш керак яъни бошқатдан хусусий жамоаларни тузиш керак очиғи ҳозирги жамоаларимиз фақат зарар келтиради холос иқтисодиётимизга деярли любой жамоамизда 6 ойга 355 млн сўм ойлик оладиган болқонлик суппппер футболчилар бор бу дегани жамоаларимиз асосий пулларни ҳавога сочишга ўрганиб қолишган бу ерда бўлса оддий хадққа 1 млн сўм 700 минг бўлиб етиб келади.
+2   
01 авг 16:26:48
Dimkaaaa
Дублерлар ___ мана шунча пул олдик деб имзо чекувчилардир....
+2   
01 авг 16:17:17
Mirshohid
O'zbek futboli uchun hamma narsa BEFOYDA. Jamoalar davlat qaramog'idan chiqazib xususiylashtirilmas ekan maqolami tanbehmi qo'rqitishmi hammasi Befoyda...
+1   
01 авг 21:47:12
Nadirkhuja Yu
Макс фойдаланувчининг фикрига жавоб бериш
Сизга ухшаган мард, очик макола ёзадиган журналист санокли(пахта куйишмас). Шу болани катта сахнага чикишига ёрдам бергансиз. Ман бу болани танимайман, лекин шунакаларга ёрдам бериб истеъдодларни купайтириш керак. Сизни яхшилигингизни биров билмасаям Оллох билгувчидир!
Мен учун шу бола қийналган оиласини боқса бўлди. Уёғи зўр бўлиб кетса барчага яхши.
+1   
01 авг 20:24:50
Islom Jurayev
Nadirkhuja Yu фойдаланувчининг фикрига жавоб бериш
Бизда кимнидир мактасангиз заказ, емонласангиз заказ, танкид килсангиз заказ. Шунгаям усмаймиз. Агар бирон клубни танкид килсанг, мухлисларини чакириб мана бу бизни кура олмаяпти дейди. Вилоятда ишлаганлар ичида Давлатов ва Саркисяндан бошка кимни курсата оласиз масалан, хеч кимни. Улар аслида халк душмани, мухлисини никоб килиб, каззоб ишларни килиб юради. Шунинг учун хам мутахассис чикмайди. Клублар давлатни, аммо узлаштириб олинган.
Bunixam tushungan tushunadi...
+1   
01 авг 19:42:00
Liverpool n 1
Masqaraboz liga poytaht liga markaz liga pushgan liga va hokazo hullas bizda futbolda adolat yoq nimaga .pahtakorga homiy topiladi boshqalarga yoq qani haqiqat undan kura futboldi yigishtiringlar hakamlar hammasi bilan
+1   
01 авг 19:05:19
Cr7_
aksariyat Glavni trenerlar faqat rezultatga javob beradi qoganini qoyp quypti pul qlsa boldi

Yoshi utgan Yaramaydigan Futbalistlani Yigvoladida Pulni Papal qiladi ...

Naxxuy ulaga Uzbek futboli qiziqtrmedi bugungi kun utsa boldi !
Qopol qilip aytganda bula O’z nafsi yolidagi qurbon bolgan murabbiylar ! !
Ex O’zbei futboli
xarom ishlar qon qoninizga singip ketganmikan a rostan ?
Qachon endi bu JCH da Munde qorqmasdan ... a ?
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг