UZ

Сўнгги янгиликлар

15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  1 15:26Суперлига. 4-тур учрашувларини ўтказиб юборадиган футболчилар  0 15:10Маркус Рэшфорд Евро-2024га бора олмаслиги мумкин  0 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  3 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  15

Жанлуижжи Доннарумма "Милан"нинг янги афсонаси бўла оладими? Янгиликлар

Жанлуижжи Доннарумма "Милан"нинг янги афсонаси бўла оладими?

Ўйинлар сони бўйича Паоло рекордини ҳам янгилаши мумкин.

Доннарумма "Милан"да 6-мавсумини ўтказмоқда. 21 ёшли Жижжо яқин келажакда ҳамкасблари Мальдини ва Барезига етиб олиши мумкин. 2015 йил 25 октябрь куни Жанлуижжи 16 ёшида А Серия доирасида "Милан"нинг "Сассуоло"га қарши баҳсида (2:1) дебют қилганди. Орадан беш йил ўтди. Бу вақт ичида Жижжо "россонери"нинг асосий голкиперига айланди.

Доннарумма "Милан"нинг ҳозирги футболчилари орасида ўйинлар сони бўйича етакчи ҳисобланади — ҳисобида 211 расмий учрашув мавжуд.

Бундан ташқари, 21 ёшли итальян ҳозирча "Милан"да 200+ ўйин ўтказган ягона ўйинчи бўлиб турибди. Бу борада унинг энг яқин таъқибчиси — Алессио Романьоли (193 ўйин). Ундан кейинги поғоналарни эса Кессье (142) ва Чалханоглу (136), Калабрия (119) ва Ибрагимович (109) эгаллаб турибди.

Айтганча, афсонавий Паоло Мальдини 21 ёшида "Милан"нинг 147 учрашувида майдонга тушиб улгурган эди, клубнинг бошқа бир буюк собиқ сардори Франко Барези эса — 113та. Шуни ҳам таъкидаш лозимки, Барези "Милан"да илк бор сардорлик боғичини 22 ёшида, Мальдини эса 25 ёшида таққан. Жижжо эса 21 ёшигача 9та баҳсда жамоа сардори бўлиб тушган.


"Милан"даги ўйинлар сони бўйича рекордчи — Паоло Мальдини (902 учрашув). Эҳтимол, Доннарумма ундан ўзиб кета оладиган ўйинчи бўлар?!

Бугунги кунда "россонери"нинг техник директори лавозимида ишлаб келаётган Паоло Мальдини футболчи сифатида "Милан"нинг 902 расмий учрашувида майдонга тушган. Бу ҳозир ҳам ва яна ҳали узоқ вақтгача клубнинг мутлақ рекорди ҳисобланиши аниқ. Айтганча, рейтингнинг иккинчи поғонасида Барези кетмоқда (719 ўйин).

Доннаруммага келсак, у "Милан" таркибида 211 учрашувда ўйнаган, жорий мавсумни ҳисобга олмаганда эса 203 ўйин. Хуллас, Жижжо "Милан"даги ўтган давр мобайнида ҳар йили ўртача 40,6та баҳсда майдонга тушган. Бу клуб тарихида Паоло Мальдинидан кейинги (дастлабки 5 йилда ўртача 42,6та ўйин) энг яхши кўрсаткич, агар собиқ сардор 1та учрашувдагина майдонга тушган дебют мавсумини ҳисобга олмасак...

Агар Доннарумма худди шу ритмда "Милан"да ўйнайдиган бўлса, 38 ёшида Паоло Мальдини рекордини янгилаши мумкин (эслатиб ўтамиз, Паоло 41 ёшигача ўйнаган).

Шу билан бирга, таъкидлаш лозимки, "Милан" сўнгги 5 мавсум ичида 4 марта еврокубокларда қатнашолмади (Мальдинининг бутун фаолияти давомида "Милан" худди шунча марта еврокубокларда иштирок этмаган эди).


Албатта, агар кейинги йилларда "Милан" Евротурнирларда доимий равишда иштирок этадиган бўлса, Жанлуижжи эса жароҳат олавермаса, у ҳолда унинг клубдаги иштироклари сони сезиларли даражада ошади. Бироқ "Милан" еврокубокларда қандай ўйнаши, Италия Кубоги турнирида қанчалик узоққа боришини олдиндан тахмин қилиш жуда қийин.

Аммо 2017/18 йилги мавсумда Доннарумма ажойиб кўрсаткич қайд этди. Ўша йили "Милан" Италия Кубоги финалигача, Европа Лигасининг 1/8 финалигача чиққан. Ўша мавсум италиялик кипер "россонери"нинг 53 баҳсида майдонга тушган (бу борада Паолонинг энг яхши натижаси — 1992/93 мавсумда 50 ўйин).

Доннарумма голкипер экани ҳамда фаолиятининг асосий қисмини чап қанот ҳимоясида ўтказган Мальдинидан фарқли ўлароқ, Жижжининг ўйин ритми ҳам шунга яқин кўрсаткичда (ҳар мавсум ўртача 53 учрашув) бўлади. Бундай ҳолатда, Доннарумма 34 ёшидаёқ ҳамкасби рекордини янгиласа керак. Агар Жижжонинг карьераси ҳам худди Мальдининики каби 41 ёшигача давом этса, унинг миланликлар сафидаги ўйинлари сони 1200гача етса керак...


1200 баҳс рақамини қаердан олдингиз дейсизми? Бу ерда "Ювентус" дарвозабони Жанлуижжи Буффон статистикасига суянган ҳолда мисол келтирилди. Унинг клуб даражасидаги учрашувларининг ўртача сони 40 ёшидан бошлаб пасая бошлаган — 2001 йилдан 2018 йилгача. Буффон ҳар мавсум "Кекса синьора" сафида ўртача 39та ўйин ўтказган, 2018-2020 йилларда ўз клублари учун ўртача 19,5 маротаба майдонга тушган (2 баробар кам).

Шундай экан, тахминимиз: Доннарумма 34 ёшида Мальдини рекордини (902 ўйин) янгилайди. 39 ёшигача ҳам шу темпда ҳар мавсум 53тадан ўйин ўтказади (бу 265 баҳс дегани), 41 ёшгача шу ритм билан ҳар мавсум 26,5та мартадан майдонга тушади (яна 53 баҳс). Охирида умумий ҳисоб: 1220 учрашув. Ҳа, кейин бундай рекордни ҳеч ким бузолмайди :)

Ким билади дейсиз, балки орадан узоқ йиллар ўтиб, клуб 99-рақамни муомаладан чиқарар ва мухлислар Жижжонинг футболкасини трибунада Барезининг футболкаси ёнига илиб қўйишар?! Ҳа, бу шунчаки тахмин. Эҳтимол, булар ҳақида гапиришга ҳали жуда эртадир, сабаби бундай натижаларга эришиш учун аввало амалдаги шартнома муддатини узайтириш керак... Қоларверса, дарвозабоннинг агенти Мино Райола қандай инсон экани ҳеч кимга сир эмас. Хуллас, хулоса ўзингиздан...


Нозима Зарипова таржимаси

Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика