Жамшид Саидов: "Футболчилар олдига қўйилган вазифани тўлиқ бажаришди"
30 сен 2023 21:14
Янгиликлар

Жамшид Саидов: "Футболчилар олдига қўйилган вазифани тўлиқ бажаришди"

Суперлиганинг 20-туридан ўрин олган "Қизилқум" - "Сўғдиёна" (4:2) учрашувидан сўнг мезбонлар устози Жамшид Саидов фикрлари билан ўртоқлашди.

"Ўйин ҳақида гапирадиган бўлсам, албатта томошабоп учрашув гувоҳига айландик. Йигитларга ўзини кўрсатгани учун раҳмат айтаман. Улар олдиларига қўйилган вазифани тўлиқ бажаришди. Хурсандмиз. Бизни қўллаб-қувватлаган мухлисларга миннатдорчилик билдираман. Ишлашда давом этамиз. Олдинда яна қийин ўйин кутмоқда",- дейди Жамшид Саидов.

- Жўрабек Маннонов билан боғлиқ таркибдаги ўзгариш ҳақида нима дея оласиз?

- Манноновда жароҳат бор эди. Энди тикланиш жараёнини ўтказмоқда. Таваккал қила олмасдик. Ўйлайманки, ўйиндан-ўйиншга спорт формасини яхшилаб боради. Кўриб турибсиз қийин ўйинлар, шу билан бирга жароҳатлар ҳам бўляпти. Умуман олганда натижадан қониқдим.