Ихтиёр Каримов: "Ҳакамларга ҳеч қандай эътирозим йўқ"
14 май 2016 21:16
Янгиликлар

Ихтиёр Каримов: "Ҳакамларга ҳеч қандай эътирозим йўқ"

"Машъал" - "Шўртан" (2:1) учрашувидан сўнг меҳмонлар устози ўз фикрларини билдирди.

"Мазмунли ўйин бўлди. Футболчиларимиз ижобий натижа учун бор кучлари билан ҳаракат қилишди. 10 киши бўлиб қолганимизга қарамай ҳисобни тенглаштиргандик. Бироқ баҳс охирида йўл қўйилган қўпол хато туфайли мағлуб бўлдик.

Игорь Тараннинг кичик жароҳати бор эди, шу боис уни танаффусда алмаштирдим. Ҳакамларга ҳеч қандай эътирозим йўқ, уларга раҳмат айтаман. Кенжа Тўраев қишки йиғинлар вақтида жароҳат олганди. У энди ўз спорт формасига қайтмоқда.

Жамоамиз дастлабки 6 ўйинда мағлуб бўлганди. Футболчиларда натижа учун курашиш вақтида қизиққонлик кучайиб кетмоқда. Шу боис қизил карточкалар кўпайиб кетмоқда", - дейди Ихтиёр Каримов.

"Машъал" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: