O'yindan so'ng olmaliqliklar sardori Islom To'xtaxo'jaev fikrlarini bildirdi.
"Qiyin o'yin bo'ldi. Guruhdagi birinchi uchrashuv edi. Bunday maydonda o'ynash uchun qanday ruxsat berishadi bilmayman. To'p tepib bo'lmaydi. Lekin bu bahona emas. "Paxtakor"ni g'alaba bilan tabriklayman. Jamoamiz harakat qildi, durang qilishga yaqin keldik. Harakatlarimiz etarli bo'lgani yo'q. Bu - futbol.
Futbol o'ynaydigan odamlar bilan birga maydonni tekshirishsa yaxshi bo'lardi. To'p yurmaydi bunday maydonda. Sifatli maydonda o'yin ham tomoshabop kechadi. Tashqaridan chiroylidir, biroq ichi ayanchli ahvolda.
Imkoniyatlarimiz bor. 2 ta bellashuvni uyda o'tkazamiz. Bor kuchimizni ishga solamiz",- deydi Islom To'xtaxo'jaev.
