Ироқ яна бир европалик мураббийга қизиқиб қолди

Маълумки, бу жамоани сўнгги уч йил давомида бошқариб келган Сречко Катанец молиявий муаммо сабаб ўз ихтиёрига биноан ишдан бўшади. Чунки Ироқ футбол федерацияси словениялик мураббийга беш ойдан бери маош тўламаяпти. 

6 июль куни сайтимиз орқали Ироқ терма жамоаси бошқариши мумкин бўлган мураббийлар рўйхатини келтиргандик.

Хуан Антони Пицци (Аргентина)

Пауло Аутори (Бразилия)

Педро Эммануэль (Португалия)

Рэзван Луческу (Руминия)

Пако Эррера (Испания)

Серхио Пиернас (Испания)

Дэнни Блинд (Нидерландия)

Бугун чиққан хабарга кўра, шорт-листдаги мураббийлар сони яна биттага ошди. Эндиликда Ироқ футбол федерацияси таниқли италиялик мураббий Альберто Заккерони билан ҳам музокара ўтказмоқчи. Заккерони учун Осиё футболи бегона эмас, чунки мураббий бунгача Япония ва БАА терма жамоаларида ишлаган. 68 ёшли мутахассис 2019 йилнинг январидан бери ишсиз. 

Эслатиб ўтамиз, Ироқ терма жамоаси ЖЧ-2022 саралаш учинчи босқич "А" гуруҳида Эрон, Жанубий Корея, БАА, Сурия ва Ливанга қарши баҳс олиб боради.