Инзаги "Милан" билан ўйинда ҳакамни ҳақорат қилгани учун жазоланди

Sherzod Nurmatov

9 фев 2022, 20:22

А Серия назорат ва тартиб-интизом қўмитаси Италия чемпионатининг 24-туридан ўрин олган "Милан"га қарши учрашув (1:2) якунида бош ҳакамни ҳақорат қилган "Интер" бош мураббийи Симоне Инзаги бўйича қарор чиқарди.

Манбага кўра, мураббий 15 минг евро жаримага тортилган ва битта ўйинга дисквалификация қилинган.

Шу тариқа, Инзаги 12 февраль куни 25-тур доирасидаги "Наполи"га қарши ўйинда жамоани бошқара олмайди.

"Интер" 23 турдан кейин 53 очко билан А Серия турнир жадвалида пешқадамлик қилмоқда.