UZ

Сўнгги янгиликлар

01:59ЕЧЛ. Рэшфорднинг дубли "Барселона"га ғалаба келтирди, "Қайрат" ва "Галатасарой" йирик ҳисобда ютқазди  21 01:52ЕЧЛ. "Манчестер Сити" "Наполи"ни ишончли ҳисобда мағлуб қилди, Ҳусанов тўлиқ ўйнади  44 01:15АПЛда бирорта очко йиғмаган клуб бош мураббийи билан шартномани узайтирди  0 00:50Беллингем дербига қадар сафга қайтиши мумкин  1 00:19"Реал"нинг аппеляцияси яна рад қилинди  7 23:47ЕЧЛ. "Монако" Бельгияда "тарсаки еди", "Байер" Данияда дуранг ўйнади  0 23:20Луис Энрике "Аталанта"га қарши ўйинни трибунадан кузатгани сабабини айтди  0 22:37Жозе Моуринью: "Фенербаҳче"да ишлаб хато қилдим, у ер менинг даражам эмасди"  16 22:22Бернарду Силва: "Доннарумма менга Куртуани эслатади"  0 21:55Марказлашган VAR тизими Ўзбекистонда илк бор масофадан туриб синовдан ўтказилди  5 21:39Ўзбекистон U-16 ўртоқлик ўйинида Черногорияни мағлуб қилди  4 21:23Сантьяго Канисарес ЕЧЛ фаворитларини санади  3 20:59Жозе Моуринью: "Бунгача мен ишлаган бирорта гигант клубдан бунчалик иштиёқ олмаганман"  4 20:25Суперлига. "Сурхон" ўз майдонида "Машъал"ни мағлуб эта олмади  6 20:08Расман: Жозе Моуринью - "Бенфика" бош мураббийи!  3

Игорь Шквирин: "Локомотив" "Пахтакор"дан кўра тезроқ ўйнади" Янгиликлар

Игорь Шквирин: "Локомотив" "Пахтакор"дан кўра тезроқ ўйнади"

Coca Cola Суперлигаси 16-тури доирасида "Локомотив"га қарши баҳсдан кейин "Турон" бош мураббийи Игорь Шквирин ўз фикрларини билдирди.




- "Локомотив"ни ҳақли ғалаба билан табриклайман. Яхши жамоа, тезкор футбол кўрсатмоқда. Уларга ҳеч қандай "совғалар" бера олмадик. Яна бир бор табриклайман.

- Ким Бо-Йонг нима учун асосий таркибда ўйнамади ва Ҳумоюн Муртазоев жамоага мослашиб улгурмагандек.
- Мослаша олмади? Бу сизнинг фикрингиз. Ҳозирда ҳамма футболни бор кучи билан ўйнамоқда. Агар сиз жамоамизнинг ичидаги одам бўлганингизда Ҳумоюннинг машғулотларини кўрардингиз. У жамоага мослашиб бўлган, шунчаки унинг захирада қолиши бизнинг қарор эди. Ким Бо-Йонг бугун ўйинга тушди. Унинг захирада қолиши мураббийлар қарори. Кимнинг қанча ўйнаши муҳим эмас. Футболчи қанча вақтга тушса ҳам фойдали иш қилиши керак. Дастлаб Ихтиёр ўйнаётганди. Кейинчалик Ҳумоюн тушди. Ҳужумкорликка эътибор бериш учун биз икки ҳужумчини бирданига майдонга ташладик.

- "Пахтакор"даги ўйин билан ушбу ўйин қанчалик даражада фарқ қилди.
- "Пахтакор"га қарши ўйинда ҳимояда янада мустаҳкамроқ ўйнашимиз керак эди. Балки, "Пахтакор" бизга қарши шундай ўйнашни истагандир. "Локомотив" эса "Пахтакор"га қараганда тактик жиҳатдан яхшироқ ва тезроқ темпда ўйнади. Бунинг фарқи йўқ. У ерда 0:1, бу ерда 1:3га ютқаздик. Бунга очко берилмайди.

- ВАР тизимига фикрингиз қандай?
- Мен ВАР мутахассиси эмасман. Бу борада одамлар ўтирибди. Улар ниманидир кўрса, бош ҳакамга маълум қилмоқда. У мониторга бормаяпти ва ҳеч нимани кўрмаяпти. Бу эса ўйинни тезлаштирмоқда. Ўйиндаги биринчи пенальтига ким сабабчи бўлаётганини ҳозиргача тушунмаяпман. Аммо барчаси тез содир бўлди.

- ВАР бўлишига қаршимисиз?
- Йўқ. Бизнинг ўйинларда тўхталишлар кам бўлмоқда. Ҳеч нима ўзгариб қолмайди. Бунга мен доимо қўл кўтариб келганман. Чунки ўйин вақтида кўплаб баҳсли ҳолатлар бўлиб туради. Ҳатто ҳакамлар ҳам қарор чиқариш борасида келиша олмайди. Балки қайсидир футболчи 20 сантиметрга оффсайдга чиқиб кетгандир. Бориб текширади ва голни ҳисобламайди. Буниси адолатлироқ. Ўз навбатида ҳакамлар ҳам хатосини ВАР орқали кўриб олади. Инсонийлик фактори ҳаммада бор. Агарда адолатли футбол бўлса, бу ҳаммага ёрдам беради. Доимо мухлислар ҳакамлардан норози тўғрими? Бу ҳолатдан тўғри чиқиб кетишнинг йўли шу. Танаффусда футболчим нима сабабдан сариқ карточка олганини тушунмади. Унга ВАР тизимида кўриш кераклигини сўраганмидинг дедим. Барчаси тўғри, қонунга биноан бўлди.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика