Игорь Шквирин: “Футболчининг савияси мавсум давомида билинади”

“Ўйин ҳақида нима ҳам дердим. Рақибни табриклашдан бошқа иложимиз йўқ. Ўйнимиз чиқмади”, - дейди Игорь Шквирин.  

- “Локомотив” ҳисобда олдинга чиқиб олгач олдинга чиқишингиз мумкин эди. Лекин жамоа ҳимояланишда давом этди.
- Дуранг учун ҳаракат қилишимиз мумкин эди, лекин 4та эмас 6та гол ўтказишимиз ҳам мумкин. Қолаверса Саидкомил Акбаровни отаси кеча вафот этди унинг хизматидан фойдалана олмадик. Дарвозабонимиз ҳам оилавий муаммоси туфайли бугун йўқ эди. Иномов эса укол билан майдонга тушди. Бугун Қуттибоев ва Ўрунов тўпни ўзларида сақлай олмадилар. Пиримов эса тезроқ футболни шахмат эмаслигини тушуниб олиши керак деб ўйлайман.

- “Металлург” билан савиянгиз бир хил аммо уларга ўхшаб етакчиларга қаршилик қила олмаяпсизлар. Олмаликдаги ўйинингизни ҳам кўрмадик.
- Биз ҳозир бир ғалаба қозонсак, бир ютқазяпмиз. Ҳақиқатдан ҳам биринчи даврадаги ўйинимизни кўрсата олмаяпмиз. Бу ерда футболчининг асл ҳолати кўриниб қоляпти. Ким узоққа бора олади ким ярим даврага. Мени ҳавотирга солаетгани бошқа. Олимпия терма жамоаси яна йиғин ўтказади. Ўйлашимча улар клубида тайергарлик кўриши керак. Улар учун энг муҳими январь ойида қандай тайёр бўлиши.