Игита: "Мени Бразилия термасига чақиришган, лекин Қозоғистон учун таклифни рад этганман"
26 май 2016 17:41
Янгиликлар
![](https://championat.asia/upload/storage/209308_original.jpg)
![](/upload/storage/209308_220.jpg)
Игита: "Мени Бразилия термасига чақиришган, лекин Қозоғистон учун таклифни рад этганман"
Унда бўлажак Жаҳон чемпионати ва якунланган мавсум ҳақидаги фикрлари билан ўртоқлашган.
"Бу йил ажойиб мавсум бўлди, айниқса Қозоғистон терма жамоаси учун. Афсуски, "Қайрат" билан УЕФА кубогининг финал тўртлигига чиқа олмадик. Бошқа тарафдан, биз ички чемпионат ва мамлакат кубогини қўлга киритдик. Шунингдек, "Еременко кубоги"да ҳам ғалаба қозондик.
Жаҳон чемпионати ҳақида нима дейишим мумкин? Ўз кучимизни кўрсатишимизга ишонаман. Терма жамоа шунчаки иштирок этиш учун эмас, ҳар бир ўйинда яхши ўйнаш учун боради. Жаҳон чемпионати ҳар доим манинг орзуим бўлиб келган. Бу мусобақани кўп бор томоша қилганман, лекин умуман иштирок этмаганман. Биз ўзгача ўйин услубига эга бўлган кучли жамоалар билан ўйнаймиз - бу катта тажриба. Орзуим рўёбга чиққанидан ҳурсандман.
Бразилия терма жамоаси? Ким ҳам Бразилия учун ўйнашни истамайди?! Бу менинг узоқ йиллик орзуим эди, аммо у амалга ошмаган. Ҳатто биз УЕФА кубогини қўлга киритганимизда ва "Барселона"ни ютганимизда ҳам, мени терма жамоага чақиришмаган. Қозоғистон терма жамоасида ўйнаш учун якуний қарор қабул қилганимдан кейингина таклиф олдим. Бразилия терма жамоаси мени Қувайтдаги турнирга таклиф қилмоқчи бўлган, лекин мен маҳаллийлаштириш жараёнини бошлаган эдим. Мен Қозоғистонга сўз берган эдим ва уни қайтара олмасдим. Бу мамлакат менга ҳамма нарса берди. Бу жамоа шарафини ҳимоя қилаётганимдан фахрланаман. Албатта, доим Бразилия терма жамоасига ҳам мухлислик қиламан, лекин майдонда тўқнаш келиб қолсак, уларни мағлуб этишни истайман. Чунки мен профессионалман", - дейди Игита.
Эслатиб ўтамиз, Игита ортда қолган мавсумда дунёнинг энг кучли дарвозабони деган номга сазовор бўлди.
Толибжон Қосимов таржимаси
Ўхшаш янгиликлар
![AMP Logo](https://championat.asia/image/logo-amp.png)
Фикрлар