Ҳасан Турдиалиев: "ЎФА ва терма жамоа футболчилари омма билан ишлашни яхшилаш керак"

Унинг айтишича, ҳозирда шундоқ ҳам терма жамоада иш яхши кетяпти.

"ЎФАда ўз ишини яхши биладиган инсонлар ўтирибди. Шундай бўлса ҳам, мухлислар билан ишлаш керак, деб ҳисоблайман. Футболчилар мухлислар билан ишламагани ҳам маъқул деб ўйлайман, чунки улар босим олишади ўзларига. Европа футболи каби эмасда барибир. Улар ўйиндан сўнг таҳлил ҳам қилиб бера олишади, бу ерда хато қилдик, аслида бундай қилмоқчи эдик деб. Бизникилар ҳали тайёр эмасда, шунга секинлик билан олиб бориш керак.

Айрим футболчиларимизда таҳлил қилиб бера олиш қобилияти бор. Лекин ҳаммада эмас. Аббосда (Файзуллаев) бор экан шу қобилият. U-20 да ўйнаган вақтларидаги интервьюларидан ҳам билиб олса бўлади. Янги чиқаётган авлод ўзининг хато ва камчиликларини гапириб бера олади. Шунинг учун омма билан ишлашни яхшилаш керак", – дейди шарҳловчи.